ମୁମ୍ବାଇ (ଏଟିଆର ବ୍ୟୁରୋ): କଣ୍ଟ୍ରୋଭର୍ସି କୁଇନ୍ ରାକ୍ଷୀ ସାୱନ୍ତ ସର୍ବଦା ନିଜର ଅଜବ ଗଜବ କଳାକୃତିକୁ ନେଇ ଚର୍ଚ୍ଚାରେ ରହିଥାନ୍ତି । କେତେବେଳେ ସେ ବାବ ରାମଦେବଙ୍କୁ ବିବାହ କରିବାକୁ ନେଇ ଜିଦି କରି ବସିଥାନ୍ତି ତ , ଆଉ କେତେବେଳେ ସେ ବିବାଦୀୟ ଟିପଣୀ ପାଇଁ ଟ୍ରୋଲର ଶିକାର ହୋଇଥାନ୍ତି । କିନ୍ତୁ ଏଥରକ ସେ ପୁରା ପାଗଳାମିର ଶେଷ ସୀମା ପାର କରିଦେଇଛନ୍ତି ।
ପ୍ରକୃତରେ ରାକ୍ଷୀ ଫ୍ଲାଇଟ୍ ସଦସ୍ୟଙ୍କୁ ଏଭଳି କିଛି ଫରମାଇସ୍ କରିଛନ୍ତି ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ ।
ଆଜ୍ଞା ହଁ ସୋସିଆଲ ମିଡିଆରେ ରାକ୍ଷୀ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ଫ୍ଲାଇଟରେ ଡ୍ୟାନ୍ସ କରିବା ପାଇଁ କ୍ରିୟୁ ମେମ୍ବରଙ୍କ ପାଖରେ ଜିଦି କରୁଥିବାର ନଜର ଆସୁଛନ୍ତି । ହୁଏତ କ୍ରିୟୁ ମେମ୍ବରଙ୍କ ମନା କରିବା ସତ୍ୱେ ମଧ୍ୟ ରାକ୍ଷୀ ବାଥରୁମକୁ ଯାଇ ଡ୍ୟାନ୍ସ କରିବା ଆରମ୍ଭ କରିଦେଇଥିଲେ ।
ଖବରମୁତାବକ, ବିଗତ କିଛିଦିନ ହେବେ ସୋସିଆଲ ମିଡିଆରେ ଭାଇରାଲ ହେଉଥିବା କିକି ଚ୍ୟାଲେଞ୍ଜକୁ ପୂରା କରିବାକୁ ଯାଇ ରାକ୍ଷୀ ସାୱନ୍ତ ଏଭଳି ହରକତ କରିଥିବାର ଜାଣିବାକୁ ମିଳିଥିଲା । ସବୁଠାରୁ ଆଶ୍ଚର୍ଯ୍ୟର କଥା ଲୋକେ ଭିଡିଓ ସାମ୍ନାରେ କିକି ଚ୍ୟାଲେଞ୍ଜ ପୁରା କରୁଛନ୍ତି । କିନ୍ତୁ ରାକ୍ଷୀ ଏହି ଚ୍ୟାଲେଞ୍ଜକୁ ବାଥରୁମ୍ ରେ ପୂରା କରିଛନ୍ତି ।
