ମୁମ୍ବାଇ (ଏଟିଆର ବ୍ୟୁରୋ): ଆଇପିଏଲ ସିଜିନ -୧୧ରେ ଡାହଣାହାତ ବ୍ୟାଟସମ୍ୟାନ କେଏଲ ରାହୁଲ ଖୁବ୍ ଶାନଦାର ପ୍ରଦର୍ଶନ କରିଥିଲେ । ହୁଏତ ସେ ତାଙ୍କ ଟିମ୍ କିଙ୍ଗସ୍ ଇଲେଭେନ ପଞ୍ଜାବକୁ ଚାମ୍ପିୟାନ କରି ପାରି ନଥିଲେ, କିନ୍ତୁ ଖେଳରେ ଭଲ ଅବଦାନ ପାଇଁ ତାଙ୍କର ଅନେକ ଦିୱାନ ହୋଇ ସାରଛନ୍ତି । ସେହିଭଳି ରାହୁଲଙ୍କର ବ୍ୟାଟିଂ ରେ ଜଣେ ବଲିଉଡ ଅଭିନେତ୍ରୀ ଦିୱାନୀ ହୋଇଛନ୍ତି । ସେ ହେଉଛନ୍ତି ଅଭିନେତ୍ରୀ ନିଧି ଅଗ୍ରୱାଲ ।
ମିଡିଆ ରିପୋର୍ଟ ଅନୁସାରେ କେଏଲ ରାହୁଲ ବଲିଉଡ ଅଭିନେତ୍ରୀ ନିଧି ଅଗ୍ରୱାଲଙ୍କୁ ଡେଟ କରୁଛନ୍ତି । ଗତ ବୁଧବାର ଦିନ ଦୁଇ ଜଣଙ୍କୁ ଏକ ରେଷ୍ଟୁରାଣ୍ଟରେ ଏକାଠି ଦେଖିବାକୁ ମିଳିଥିଲା । ଏହି ସମୟରେ ରାହୁଲ ଏକ ଧଳା ରଙ୍ଗର ଟି-ସାର୍ଟ ପିନ୍ଧିବା ସହ ନିଧି ଜିନ୍ସ ସହିତ ଫ୍ଲୋରାଲ ଟପ୍ସ ପିନ୍ଧିଥିବାର ନଜର ଆସିଥିଲେ । ନିଧି ହେଉଛନ୍ତି ଜଣେ ପେଶାଦାର ମଡେଲ ଏବଂ ଅଭିନେତ୍ରୀ । ସେ ଫିଲ୍ମ ‘ମୁନା ମାଇକଲ’ଜରିଆରେ ଡେବ୍ୟୁ କରିଥିଲେ ।
ରାହୁଲ ଏବଂ ନିଧିଙ୍କ ସଂପର୍କକୁ ନେଇ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ହେଉଥିବା ବେଳେ, ନିଧି ଏନେଇ କହିଛନ୍ତି ଯେ, ‘ମୁୁଁ ଅଭିନେତ୍ରୀ ହେବା ପୂର୍ବରୁ ଏବଂ ରାହୁଲ କ୍ରିକେଟର ହେବା ପୂର୍ବରୁ ଦୁହେଁ ଦୁହିଁଙ୍କୁ ଜାଣିଛୁ । ଆମେ ଦୁହେଁ ଭଲ ବନ୍ଧୁ’ । ବର୍ତ୍ତମାନ ନିଧି ଅଗ୍ରୱାଲ ତେଲୁଗୁ ଫିଲ୍ମ ପାଇଁ ଖୁବ୍ ବ୍ୟସ୍ତ ରହୁଛନ୍ତି ।
କ୍ର୍ରିକେଟର କେଏଲ ରାହୁଲ ଆପିଏଲ ସିଜିନ୍-୧୧ରେ ଖୁବ୍ ଜବରଦସ୍ତ ପ୍ରଦର୍ଶନ କରିଥିଲେ । ରାଜସ୍ତାନ ବିରୋଧରେ ରାହୁଲ ୮୪ ରନରେ ପଞ୍ଜାବକୁ ଜିତାଇ ଥିଲେ । ତାଙ୍କର ଏହି ଶନଦାର ବଲେବାଜ ପାଇଁ ପାକିସ୍ତାନୀ ସ୍ପୋର୍ଷ୍ଟ ଜନାଲିଷ୍ଟ ଜୈନବ ଅବାସ ଟ୍ୱିଟ କରି ତାଙ୍କର ପ୍ରଶଂସା କରିଥିଲେ ।
