ମୁମ୍ବାଇ (ଏଟିଆର ବ୍ୟୁରୋ): ଖୁବ୍ ଶୀଘ୍ର ‘ଲାଲ କପ୍ତାନ’ ରେ ନଜର ଆସିବେ ଅଭିନେତା ସୈଫ୍ ଅଲ୍ଲୀ ଖାଁ । ଏହି ଫିଲ୍ମରେ ସୈଫ୍ ଙ୍କୁ ଏକ ନିଆରା ଅନ୍ଦାଜରେ ଦେଖିବାକୁ ମିଳିବ । ଏଥିରେ ସୈଫ୍ ନାଗା ସାଧୁ ବେଶରେ ନଜର ଆସିବେ । ଫିଲ୍ମର ଟ୍ରେଲର ସମେତ କିଛି ଫଟୋ ବି ରିଲିଜ୍ ହୋଇ ସାରିଛି । ଯାହା ଖୁବ୍ ଦମଦାର୍ ଲାଗୁଛି । ସେପଟେ ପୋଷ୍ଟର ଏବଂ ଟ୍ରେଲର ରିଲିଜ୍ ହେବା ପରଠାରୁ ସୈଫ୍ ଙ୍କ ଲୁକ୍ କୁ ନେଇ ଚାରିଆଡେ ଚର୍ଚ୍ଚା । ଲୋକଙ୍କ କହିବାନୁଯାୟୀ ଏହି ଫିଲ୍ମଟି ସୈଫ୍ ଙ୍କ କ୍ୟାରିୟରେ ଏପର୍ଯ୍ୟନ୍ତର ସବୁଠାରୁ ଦମଦାର୍ ହେବାକୁ ଯାଉଛି । ଅପରପକ୍ଷେ ଲୋକେ ସୈଫ୍ ଙ୍କ ଲୁକ୍ କୁ ହଲିଉଡ ଷ୍ଟାର ଜ୍ୟାକ୍ ସ୍ପ୍ୟାରୋ ସହ ତୁଳନା କରୁଛନ୍ତି । ମାତ୍ର ଲୋକଙ୍କର ଏହି ମତକୁ ବିଲକୁଲ୍ ପସନ୍ଦ କରୁ ନାହାନ୍ତି ସୈଫ୍ ।
ଏନେଇ ସୈଫ୍ କହିଛନ୍ତି, ମୋତେ ଭଲ ଲାଗୁନି ଲୋକେ ମୋ ତୁଳନା ଜ୍ୟାକ ସ୍ପ୍ୟାରୋ ସହ କରୁଛନ୍ତି । ଏହି ନାଗା ସାଧୁ ଏଭଳି ଏକ ଲୁକ୍ ଯାହାକୁ ଆମ ସଂସ୍କୃତି ସିନେମାକୁ ଦେଇଛି ଏବଂ ହିନ୍ଦୁସ୍ତାନରେ ଅନେକ ଅଭ୍ୟସ୍ତ ମଧ୍ୟ କରାଯାଏ । ନାଗା ସାଧୁ, ତାଙ୍କ କେଶ, ତାଙ୍କ ବନ୍ଦନା, ତାଙ୍କ ଚେହେରାରେ ଲଗାହୋଇଥିବା ଧଳା ତିଲକ ଏବଂ ରେଡ୍ ଜ୍ୟାକେଟ ଯାହା ଇଷ୍ଟ ଇଣ୍ଡିଆ କମ୍ପାନୀ ଦେଇଛି ।
ଖବରମୁତାବକ, ଅକ୍ଟୋବର ୧୮ ରେ ରିଲିଜ୍ ହେବ ‘ଲାଲ କପ୍ତାନ’ । ଏହି ଫିଲ୍ମକୁ ନବଦୀପ ସିଂହ ନିର୍ଦ୍ଦେଶନା ଦେଇଥିବା ବେଳେ ସୁନୀଲ ଲୁଲ୍ଲା ଏବଂ ଆନନ୍ଦ ଏଲ ରାୟ ପ୍ରଯୋଜନା କରିଛନ୍ତି । ଫିଲ୍ମରେ ସୈଫ୍ ଙ୍କ ସହିତ ମାନବ ବିଜ୍, ଜୋୟା ହୁସୈନ ଏବଂ ଦୀପକ ଡୋବରିୱାଲ ବି ନଜର ଆସିବେ । ଏହି ଫିଲ୍ମରେ ନାଗା ସାଧୁଙ୍କ ଲୁକ୍ ପାଇଁ ସୈଫ୍ ଙ୍କୁ ବହୁତ ପରିଶ୍ରମ କରିବାକୁ ପଡିଛି ।
