ମୁମ୍ବାଇ (ଏଟିଆର ବ୍ୟୁରୋ): ଆଜିକାଲି ପ୍ରତ୍ୟେକ ବ୍ୟକ୍ତି ଜଣେ ଅନ୍ୟ ଜଣଙ୍କୁ କପି କରିବାରେ ଲାଗିଛନ୍ତି । ସେ ତେଣିକି ସାଧାରଣ ଜନତା ହୋଇଥାନ୍ତୁ ଅବା ସେଲିବ୍ରିଟି । ସେହିପରି ବଲିଉଡ ଇଣ୍ଡଷ୍ଟ୍ରିକୁ ଦେଖିଲେ ଫିଲ୍ମ ଗୀତ ଠାରୁ ନେଇ ଫ୍ୟାଶନ ପର୍ଯ୍ୟନ୍ତ ସବୁ କିଛି କପି କରାଯାଉଛି । ଏହା ବଲିଉଡ ପାଇଁ ସାଧାରଣ କଥା । ପ୍ରତ୍ୟେକ ବ୍ୟକ୍ତି ଜଣେ ଅନ୍ୟ ଜଣଙ୍କୁ କପି କରୁଛନ୍ତି । ମାତ୍ର ଏବେ ଏହି କପି ଲିଷ୍ଟରେ ମଲାଇକା ଅରୋରାଙ୍କ ନାଁ ସାମିଲ ହୋଇଯାଇଛି ।
ଆଜ୍ଞା ହଁ ନିକଟରେ ମଲାଇକା ତାଙ୍କର ଏକ ଭିଡିଓ ଇଂଷ୍ଟାଗ୍ରାମରେ ସେୟାର କରିଛନ୍ତି । ସେ ଏକ ସ୍ପୋର୍ଟ୍ସ ବ୍ରାଣ୍ଡ ର ଜୋତା ସୁଟ୍ କଲା ବେଳେ ଏହି ଭିଡିଓଟି କରିଛନ୍ତି । ଏହି ଭିଡିଓରେ ସେ କ୍ୟାମେରା ସାମ୍ନାରେ ଡ୍ୟାନ୍ସ କରୁଛନ୍ତି ଏବଂ ଅଚାନକ୍ ତାଙ୍କ ଜୋତାର ସୋଲ କ୍ୟାମେରା ଆଡକୁ ବଢାଇ ଦେଉଛନ୍ତି, ସେହି ସମୟରେ ତାଙ୍କର ଜୋତାର ରଙ୍ଗ ବଦଳି ଯାଉଛି ।
ଏହାକୁ ଦେଖି ଏକ ଇଂଷ୍ଟାଗ୍ରାମ ଆକାଉଣ୍ଟ ଜ୍ୟାକଲିନ୍ ଏବଂ ମଲାଇକାଙ୍କ ଭିଡିଓ ଏକସଙ୍ଗରେ ସେୟାର କରିବା ସହ ମଲାଇକାଙ୍କ ମଜାକ ଉଡାଇଛନ୍ତି । ସେ ଲେଖିଛନ୍ତି କି ମଲାଇକା : କ’ଣ ମୁଁ ତୁମର ହୋମୱାର୍କ କପି କରି ପାରିବି?
ଜ୍ୟାକଲିନ୍: ହଁ, କିନ୍ତୁ କିନ୍ତୁ ଟିକେ ବଦଳାଇ ଦେବେ, ଯାହାଡ଼ଳରେ ତୁମେ କପି କରିଛ ବୋଲି ଜଣା ପଡିବ ନାହିଁ ।
ମଲାଇକା: ଧନ୍ୟବାଦ , ଭଉଣୀ ।
ଖବରମୁତାବକ, ମଲାଇକା ଏବଂ ଜ୍ୟାକଲିନ୍ ଙ୍କ ପୋଷ୍ଟ କୁ ନେଇ କିଛି ଲୋକ ଏହା ବି କମେଂଟ କରିଛନ୍ତି କି ମଲାଇକାଙ୍କ ଭିଡିଓ ଠାରୁ ଜ୍ୟାକଲିନଙ୍କ ଭିଡିଓ ବହୁତ ଭଲ ହୋଇଛି ।
