ମୁମ୍ବାଇ (ଏଟିଆର ବ୍ୟୁରୋ): ଅଭିନେତ୍ର ମନ୍ଦିର ବେଦୀଙ୍କ ପତି ରାଜ କୌଶଲଙ୍କ ପରଲୋକ ଘଟିଛି । ହୃଦଘାତରେ ତାଙ୍କର ମୃତ୍ୟୁ ହୋଇଛି ବୋଲି ପରିବାରସୂତ୍ରରୁ ଜଣା ପଡିଛି । ଜଣେ ଅଭିନେତା ଭାବେ ତାଙ୍କ କ୍ୟାରିଅର ଆରମ୍ଭ କରିଥିଲେ ରାଜ୍ । ସେ ତାଙ୍କ କ୍ୟାରିଅରରେ ତିନୋଟି ଫିଲ୍ମ ରେ ନିର୍ଦ୍ଦେଶନା ଦେଇଛନ୍ତି । ରାଜ୍ ଙ୍କ ନିଧନକୁ ନେଇ ବଲିଉଡରେ ଶୋକର ଛାୟା ଖେଳିଯାଇଛି ।
୧୯୯୬ ମସିହାରେ ମୁକୁଲ ଆନନ୍ଦଙ୍କ ଘରେ ରାଜଙ୍କ ସହ ମନ୍ଦିରାଙ୍କର ଭେଟ ହୋଇଥିଲା । ସେଠାରେ ଅଡିସନ ପାଇଁ ପହଁଚିଥିଲେ ମନ୍ଦିରା ଏବଂ ମୁକୁଲଙ୍କ ସହକାରୀ ଭାବେ କାର୍ଯ୍ୟ କରୁଥିଲେ ରାଜ୍ । ଏହିଠାରୁ ହିଁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଏହାପରେ ୧୯୯୯ ମସିହାରେ ଫେବୃଆରୀ ୧୪ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ ।
