ମୁମ୍ବାଇ (ଏଟିଆର ବ୍ୟୁରୋ): ସର୍ବଦା ସୋସିଆଲ ମିଡିଆରେ ସକ୍ରିୟ ରହିଥାନ୍ତି ମିସ୍ ୱାର୍ଲ୍ଡ ମାନୁଷୀ ଛିଲର । ସୌନ୍ଦର୍ଯ୍ୟତା ଏବଂ ମହାନ ଶକ୍ତିର ମିଶ୍ରଣ ମାନୁଷୀ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ପ୍ରତ୍ୟେକ ଦିନ କିଛି ନା କିଛି ଫଟୋ ଏବଂ ଭିଡିଓ ଅପଡେଟ୍ କରିଥାନ୍ତି । ଏବେ ପୁଣି ସେ ତାଙ୍କର କିଛି ଫଟୋ ଏବଂ ଭିଡିଓ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଯାହା ଏବେ ଭାଇରାଲ ହେବାରେ ଲାଗିଛି ।
ଏହି ଫଟୋରେ ସେ ଏକ କଳା ରଙ୍ଗର ସୁଇମିଙ୍ଗ୍ ସୁଟ୍ ପିନ୍ଧି ତାଙ୍କ ସାଙ୍ଗ ମାନଙ୍କ ସହ ମିଶି ପୁଲ୍ ରେ ମସ୍ତି କରୁଥିବାର ନଜର ଆସୁଛନ୍ତି । ଯାହାକୁ ତାଙ୍କ ଫ୍ୟାନ୍ସମାନେ ଖୁବ୍ ପସନ୍ଦ କରୁଛନ୍ତି ।
ବର୍ତ୍ତମାନ ମାନୁଷୀ ଚାଇନାରେ ଅଛନ୍ତି । ଯେଉଁଠାରୁ ସେ ଗତବର୍ଷ ମିସ୍ ୱାର୍ଲ୍ଡର ତାଜ୍ ଜିତିଥିଲେ । ତାଙ୍କ ଫ୍ୟାନ୍ସମାନେ ବହୁତ ଶୀଘ୍ର ତାଙ୍କୁ ବଡ ପରଦାରେ ଦେଖିବାକୁ ଅନେଇ ବସିଛନ୍ତି ।
