ନୂଆଦିଲ୍ଲୀ (ଏଟିଆର ବ୍ୟୁରୋ): ବର୍ଷ ୨୦୨୨ ଜାହ୍ନବୀ କପୁରଙ୍କ ପାଇଁ ଖୁବ୍ ଭଲ ରହିଛି । ଏହିବର୍ଷ ଜାହ୍ନବୀଙ୍କର ଦୁଇଟି ଫିଲ୍ମ ରିଲିଜ୍ ହୋଇଥିଲା । ଯାହାକୁ ଦର୍ଶକ ମଧ୍ୟ ଖୁବ୍ ପସନ୍ଦ କରିଥିଲେ । ସେହି ଦୁଇଟି ଫିଲ୍ମ ମଧ୍ୟରୁ ଗୋଟେ ଗୁଡଲକ ଜ୍ୟାରୀ ଡିଜନୀ ପ୍ଲସ ହଟଷ୍ଟାରରେ ରିଲିଜ୍ ହୋଇଥିବା ବେଳେ ଅନ୍ୟ ଫିଲ୍ମ ମିଲି ସିନେମା ହଲରେ ରିଲିଜ ହୋଇଥିଲା । ଫିଲ୍ମଟିକୁ ଦର୍ଶକଙ୍କଠାରୁ ନେଇ ସମୀକ୍ଷକ ପର୍ଯ୍ୟନ୍ତ ସକରାତ୍ମକ ପ୍ରତିକ୍ରିୟା ମିଳିଥିଲା କିନ୍ତୁ ସିନେମା ହଲରେ ଫିଲ୍ମଟି ଭଲ ପ୍ରଦର୍ଶନ କରିପାରିନଥିଲା । କିନ୍ତୁ ଏବେ ପୁଣି ଫିଲ୍ମଟିକୁ ଓଟିଟି ପ୍ଲାଟଫର୍ମରେ ରିଲିଜ୍ ହେଉଛି ।
ଜାହ୍ନବୀ କପୁରଙ୍କ ଫିଲ୍ମ ଆଜି ଅର୍ଥାତ ୩୦ ଡିସେମ୍ବରରେ ନେଟଫ୍ଲିକ୍ସରେ ଷ୍ଟ୍ରିମ ହେଉଛି । ଏହାର ସୂଚନା ଦେଇ ନେଟଫ୍ଲିକ୍ସ ତାର ଇଂଷ୍ଟାଗ୍ରାମରେ ଏକ ଭିଡିଓ ସେୟାର କରିଛି । ଏଥିରେ ଜାହ୍ନବୀ ଏନେଇ ସୂଚନା ଦେଉଥିବାର ନଜର ଆସୁଛନ୍ତି ।
