ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ୍ ଏବଂ ପୂର୍ବତନ କ୍ରିକେଟର ମୋହମ୍ମଦ କୈଫ୍ ଙ୍କ ସମ୍ପର୍କକୁ ନେଇ ପୂର୍ବରୁ ଖୁବ୍ ଚର୍ଚ୍ଚା ହେଉଥିଲା । ଦୁହେଁଙ୍କର ସରନେମ୍ ସମାନ ହୋଇଥିବାରୁ ଦୁହିଁଙ୍କ ନାଁରେ ଲୋକେ ଅନେକ କଥା କହିବା ଆରମ୍ଭ କରିଦେଇଥିଲେ । କିନ୍ତୁ ନିକଟରେ ପୂର୍ବତନ କ୍ରିକେଟର ମୋହମଦ କୈଫ୍ ଟ୍ୱିଟ୍ ମାଧ୍ୟମରେ ଲୋକଙ୍କୁ ଜବାବ ଦେଇଛନ୍ତି , ଦୁହିଁଙ୍କ ମଧ୍ୟରେ ଏଭଳି କୌଣସି ସମ୍ପର୍କ ନାହିଁ ବୋଲି ମୋହମ୍ମଦ କହିଛନ୍ତି । ଦୁହିଁଙ୍କର ସରନେମ୍ ସମାନ ଥିବା ହେତୁ ଏଭଳି କଥା ଉଠୁଥିଲା । କିନ୍ତୁ ପ୍ରକୃତରେ ସେମିତି କିଛି ନାହିଁ ।
ନିକଟରେ ମୋହମ୍ମଦ କୈଫ୍ ଟ୍ୱିଟରରେ କ୍ୟାଟ୍ରିନା କୈଫ୍ ଙ୍କ ସହିତ ତାଙ୍କର ଏକ ଫଟୋ ସେୟାର କରି ଲେଖିଛନ୍ତି କି, ‘ଶେଷରେ ଦୁଇ କୈଫ୍ ଦେଖା ହେଲେ । ଯେପରିକି ଆଗରୁ ସ୍ପଟ୍ କରାଯାଇଛି ସେହିପରି ଏପର୍ଯ୍ୟନ୍ତ ଆମ ଭିତରେ ମଣିଷତ୍ୱକୁ ଛାଡିଦେଲେ ଅନ୍ୟ କୌଣସି ସମ୍ପର୍କ ନାହିଁ’ । ମୋହମ୍ମଦ କୈଫ୍ ଙ୍କର ଏହି ପୋଷ୍ଟ ପରେ ସ୍ପଷ୍ଟ ଜଣାପଡୁଛି କି ଦୁହିଁଙ୍କ ମଧ୍ୟରେ ଏଭଳି କୌଣସି ସମ୍ପର୍କ ନାହିଁ ।
Finally the Kaif’s meet.
PS- As clarified earlier, abhi tak koi rishta nahi , except insaaniyat ka 🙂 pic.twitter.com/5lK1cLHlEq— Mohammad Kaif (@MohammadKaif) June 4, 2019
ଅଭିନେତ୍ରୀ କ୍ୟାଟ୍ରିନା କୈଫ୍ ତାଙ୍କ କର୍ମମୟ ଜୀବନ ସହିତ ବ୍ୟକ୍ତିଗତ ଜୀବନକୁ ନେଇ ଖୁବ୍ ସଜାଗ ରହିଥାନ୍ତି । ବଲିଉଡର ଅନେକ କଳାକାରଙ୍କ ସହିତ କ୍ୟାଟ୍ ଙ୍କ ନାଁ ଯୋଡି ହୋଇଛି । ଏବେ ସେ ତାଙ୍କ ଫିଲ୍ମ ‘ଭାରତ’ କୁ ନେଇ ଖୁବ୍ ବ୍ୟସ୍ତ ଅଛନ୍ତି । ଏହି ଫିଲ୍ମରେ କ୍ୟାଟ୍ରିନାଙ୍କ ବ୍ୟତିତ ସଲମାନ୍, ଦିଶା ପଟ୍ଟାନୀ, ଜାକି ଶ୍ରଫ୍, ସୁନୀଲ ଗ୍ରୋଭର, ତବୁ ଏବଂ ନୋହା ଫତେହିଙ୍କର ଗୁରୁତ୍ୱ ପୂର୍ଣ୍ଣ ଭୂମିକା ରହିଛି ।
