ନୂଆଦିଲ୍ଲୀ (ଏଟିଆର ବ୍ୟୁରୋ): ଥିଏଟର ରେ ରିଲିଜ୍ ହୋଇଥିବା ଫିଲ୍ମ ସମ୍ରାଟ ପୃଥ୍ୱୀରାଜ କୁ ନେଇ ମେକର୍ସ ଖୁବ୍ ଆଶା ରଖିଥିଲେ । କିନ୍ତୁ ପ୍ରଥମ ଡେରୁ ଫିଲ୍ମଟି ବିଫଳ ହୋଇଛି । ବକ୍ସ ଅଫିସରେ ଖୁବ୍ କମ ଆୟ କରିଛି । ଏହି ଫିଲ୍ମକୁ ହିନ୍ଦୀ ବ୍ୟତିତ ତାମିଲ ଓ ତେଲୁଗୁରେ ମଧ୍ୟ ରିଲିଜ୍ କରାଯାଇଥିଲା । ଏହାପରେ ମଧ୍ୟ ଫିଲ୍ମଟି ଭଲ ପ୍ରଦର୍ଶନ କରି ପାରୁନି । ସେହିପରି କମଲ ହାସନଙ୍କ ଫିଲ୍ମ ବିକ୍ରମ’ ବକ୍ସ ଅଫିସରେ ଭଲ ଆୟ କରିପାରେ ସଫଳ ହୋଇଛି ।
ଗତ ତିନି ଦିନରେ ଫିଲ୍ମ ବିକ୍ରମ ଆୟ ବଢିଆ କରିଥିଲା । ୯୪.୬୫ କୋଟି ଛୁଇଁଥିଲା ବିକ୍ରମ । ସେହିପରି ଚତୁର୍ଥ ଦିନ ତଥା ସୋମବାର ଆୟ କଥା ଯଦି କହିବା ତେବେ ରବିବାର ତୁଳନାରେ ଖୁବ୍ କମ ଆୟ ହୋଇଛି । ଏହି ଫିଲ୍ମ ମୋଟ ଆୟ କଥା ଯଦି କହିବା ତେବେ ଏହା ଶହେ କୋଟି ପାର କରିସାରିଲାଣି ।
ଅକ୍ଷୟ କୁମାରଙ୍କ ଫିଲ୍ମ ସମ୍ରାଟ ପୃଥ୍ୱୀରାଜ ପ୍ରଥମ ଦିନରୁ ହିଁ ଦର୍ଶକଙ୍କୁ ନିରାଶ କରିଛି । ଗତ ତିନି ଦିନରେ ଫିଲ୍ମଟି ୩୯.୪୦ କୋଟି କଲେକ୍ସନ କରିଛି । ସେହିପରି ସୋମବାର ଏହି ଫିଲ୍ମ ର ଆୟ ଆହୁରି କମି ଯାଇଛି ।
