ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡରୁ ସଫଳ ହେବା ପରେ ଏବେ ବଲିଉଡରେ ଏଣ୍ଟ୍ରି କରିଛନ୍ତି ସଙ୍ଗୀତ ନିର୍ଦ୍ଦେଶକ ପ୍ରେମାନନ୍ଦ । ବଲିଉଡ ଫିଲ୍ମ ‘ଲଭ୍ ୟୁ ଟର୍ଣ୍ଣ’ ରେ ଡେବ୍ୟୁ କରିଛନ୍ତି ପ୍ରେମାନନ୍ଦ । ସେ ଏହି ଫିଲ୍ମର ଦୁଇଟି ଗୀତରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ପ୍ରେମାନନ୍ଦଙ୍କ ନିର୍ଦ୍ଦେଶିତ ଦୁଇଟି ଗୀତରେ ମୋହିତ୍ ଚୌହାନ, ଆଦିତ୍ ପଲ୍ ଏବଂ ଆକାଂକ୍ଷା ଶର୍ମା ପ୍ରମୁଖ କଣ୍ଠଦାନ କରିଛନ୍ତି । ଫିଲ୍ମଟି ନଭେମ୍ବର ୨୪ ରେ ରିଲିଜ୍ ହେବାକୁ ଯାଉଛି । ଏହା ପୂର୍ବରୁ ଫିଲ୍ମର ଅଡିଓ ରିଲିଜ୍ ହୋଇଛି ।
ଓଲିଉଡ ପରେ ପ୍ରେମାନନ୍ଦଙ୍କ ପାଇଁ ବଲିଉଡର ଏହା ପ୍ରଥମ ଯାତ୍ରା । ସେ ଓଲିଉଡରେ ଅନେକ ଫିଲ୍ମରେ ନିର୍ଦ୍ଦେଶନା ଦେଇ ସଫଳ ହୋଇଛନ୍ତି । ତାଙ୍କ ଦ୍ୱାରା ନିର୍ଦ୍ଦେଶିତ ଗୀତ ଗୁଡିକ ବକ୍ସ ଅଫିସ୍ ରେ ଧମାଲ କରିବା ସହ ଦର୍ଶକଙ୍କ ମନ ଜିଣିବାରେ ସଫଳ ହୋଇଛି । ମାତ୍ର ଏବେ ପ୍ରେମାନନ୍ଦ ବଲିଉଡରେ ଏଣ୍ଟ୍ରି କରିବା ପରେ ଆଗାମୀ ଦିନରେ ସେ କେତେ ମାତ୍ରାରେ ବଲିଉଡ୍ ରେ ହିଟ୍ ହେଉଛନ୍ତି ତାହ ଦେଖିବାକୁ ବାକି ରହିଲା ।
