ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଫିଲ୍ମ ‘ପହାଡଗଞ୍ଜ’ର ପ୍ରଥମ ପୋଷ୍ଟର ସାମ୍ନାକୁ ଆସିଛି । ଏହି ପୋଷ୍ଟରରେ ସ୍ପେନିସ୍ ଅଭିନେତ୍ରୀ ଲୋରେନା ଫ୍ରୌଂକୋ ସମ୍ପୂର୍ଣ୍ଣ ନ୍ୟୁଡ୍ ଅବତାରରେ ନଜର ଆସିଛନ୍ତି । ତାଙ୍କ ଶରୀରରେ ଏକ ପ୍ଲେକାର୍ଡ ଟଙ୍ଗା ହୋଇଛି, ଯେଉଁଥିରେ ଲେଖା ହୋଇଛି କି, ‘ଲୋରା କୋଷ୍ଟା ସ୍ପେନ୍ ।’
ଏହି ଫିଲ୍ମଟିର ନିର୍ଦ୍ଦେଶନା ଦାୟିତ୍ୱ ରାକେଶ ରଞ୍ଜନ କୁମାର ନେଇଥିବା ବେଳେ ପ୍ରଯୋଜନା ଭାର ତୁଲାଇଛନ୍ତି ପ୍ରକାଶ ଭଗତ । ଫିଲ୍ମଟି ଅପ୍ରିଲ ୧୨, ୨୦୧୯ରେ ପରଦାରେ ମୁକ୍ତିଲାଭ କରିବ । ଫିଲ୍ମର କାହାଣୀଟି ଲୋରା କୋଷ୍ଟା ନାମକ ଜଣେ ମହିଳାଙ୍କ ଉପରେ ଆଧାରିତ ।
ଯିଏ ପହାଡଗଞ୍ଜ ଗଳିରେ ହଜିଯାଇଥିବା ପ୍ରେମିକଙ୍କୁ ଖୋଜୁଛନ୍ତି । ଏହାସହିତ ସେହି ପହାଡଗଞ୍ଜ ଗଳିରେ ତାଙ୍କୁ ଅନେକ ଅପରାଧ ଏବଂ ଆଘାତର ସାମ୍ନା କରିବାକୁ ପଡିଛି । ଏପର୍ଯ୍ୟନ୍ତ ଏହି ଫିଲ୍ମର ଅନେକ ଗୀତ ରିଲିଜ୍ ହୋଇ ସାରିଛି ।
ଖବରମୁତାବକ, ଲୋରେନା ଫ୍ରୌଂକୋ ହେଉଛନ୍ତି ସ୍ପେନିସର ଜଣେ ଜଣା ଶୁଣା ଅଭିନେତ୍ରୀ ଏବଂ ଲେଖିକା । ଯିଏ ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
