ନୂଆଦିଲ୍ଲୀ (ଏଟିଆର ବ୍ୟୁରୋ): ଗତ ମାସରେ ସୁପରଷ୍ଟାର ପ୍ରଭାସ ତାଙ୍କ ଫ୍ୟାନ୍ସଙ୍କ ସହିତ ଏକ ଖୁସୀ ଖବର ସେୟାର କରିବା ସହିତ ତାଙ୍କ ଅପକମିଂ ଫିଲ୍ମର ଘୋଷଣା କରିଥିଲେ । ଯାହାର ଟାଇଟେଲ ରହିଛି ‘ଆଦିପୁରୁଷ’ । ଏହି ଫିଲ୍ମରେ ପ୍ରଥମ ଥର ପାଇଁ ଦୁଇ ସୁପରଷ୍ଟାର ଏକ ସଙ୍ଗରେ ନଜର ଆସିବେ । ଯେଉଁଥି ପାଇଁ ଫ୍ୟାନ୍ସମାନେ ଖୁବ୍ ଉତ୍ସାହିତ ଅଛନ୍ତି । ପ୍ରଭାସଙ୍କ ସହ ବଡ ପରଦାରେ ସୈଫ ଅଲ୍ଲୀ ଖାଁଙ୍କୁ ଦେଖିବାକୁ ପାଇବେ ଦର୍ଶକ ।
ଫିଲ୍ମର ଘୋଷଣା ହେବା ପରେ ଏବେ ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି ନିର୍ମାତା । ଆଗାମୀ ୨୦୨୨ ରେ ଏହି ଫିଲ୍ମଟି ରିଲିଜ୍ ହେବ । ସେହିପରି ସୁପରଷ୍ଟାର ପ୍ରଭାସ ତାଙ୍କ ସୋସିଆଲ ମିଡିଆରେ ଫିଲ୍ମର ପୋଷ୍ଟର ସେୟାର କରି ଲେଖିଛନ୍ତି କି, ୧୧.୦୮.୨୦୨୨ କୁ ଥିଏଟରରେ ଆଦିପୁରୁଷ ।
ଏହି ଫିଲ୍ମରେ ପ୍ରଭାସ ଭଗବାନ ରାମଙ୍କ ଭୂମିକାରେ ନଜର ଆସିବାକୁ ଥିବାବେଳେ ଲଙ୍କାପତି ରାବଣ ଲଙ୍କେଶଙ୍କ ରୂପରେ ସୈଫ ଅଲ୍ଲୀ ଖାଁଙ୍କୁ ଦେଖିବାକୁ ମିଳିବ । ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ଓମ ରାୱତ ।
ଫିଲ୍ମର ସୁଟିଂ ୩ଡି ରେ ହିନ୍ଦୀ ଏବଂ ତେଲୁଗୁରେ କରାଯିବ । ଏବଂ ଏହାକୁ ତାମିଲ, ମଲୟାଲମ, କନ୍ନଡ,ଏବଂ ଅନେକ ଇଂଟରନାସନାଲ ଭାଷାରେ ଡବିଂ କରାଯିବ । ୨୦୨୧ ରେ ଏହି ଫିଲ୍ମର ସୁଟିଂ ଆରମ୍ଭ ହେବ ।
