ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନର ସବୁଠାରୁ ଲୋକପ୍ରିୟ ସୋ’ ବିଗ ବସ୍ ୯ର ପ୍ରେମୀଯୁଗଳ ଏବେ ସାଥଜନ୍ମର ସାଥୀ ହେବାକୁ ଯାଉଛନ୍ତି । ସବୁଠୁ ବଡ କଥା ହେଲା ଏହି ସୋ’ରୁ ଅନେକ ଯୋଡି ବାହାରିଛନ୍ତି ମାତ୍ର ସେମାନଙ୍କ ମଧ୍ୟରେ ପ୍ରେମ କେବଳ ଅଢେଇ ଦିନ ପାଇଁ । କିନ୍ତୁ ଯଦି କାହାର ପ୍ରେମ ସଫଳ ହୋଇପାରିଛି ସେହି ଯୋଡୀ ହେଉଛନ୍ତି ପ୍ରିନ୍ସ ନରୁଲା ଏବଂ ୟୁଭିକା ଚୌଧୁରୀ । ଦୁହେଁ ଏବେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।
ଖବରମୁତାବକ, ଦୀର୍ଘ ଦିନର ଡେଟିଙ୍ଗ ପରେ ଏବେ ପ୍ରିନ୍ସ ଏବଂ ୟୁଭିକା ଦୁହେଁ ବିବାହ କରିବେ । ନିକଟରେ ସୋସିଆଲ ମିଡିଆରେ ଦୁହିଁଙ୍କର ବିବାହ କାର୍ଡ ଭାଇରାଲ ହୋଇଥିଲା । କିନ୍ତୁ ଏବେ ମେହେନ୍ଦୀ ଉତ୍ସବର ଫଟୋ ଏବଂ ନିର୍ବନ୍ଧ ଭିଡିଓ ଭାଇରାଲ ହେବାରେ ଲାଗିଛି । ଏଥିରେ ଦୁହେଁ ଖୁବ୍ ସୁନ୍ଦର ଦେଖାଯାଉଛନ୍ତି । ଏହାପୂର୍ବରୁ ଦୁହେଁ ପ୍ରି-ୱେଡିଙ୍ଗ ଫଟୋସୁଟ୍ ମଧ୍ୟ କରିଥିଲେ ।
ମେହେନ୍ଦୀ ଉତ୍ସବରେ ପ୍ରିନ୍ସ ଏକ ଧଳା ରଙ୍ଗର କୁର୍ତା ପାଇଜାମା ପିନ୍ଧିଥିବା ବେଳେ ୟୁଭିକା ଏକ ଲେହଙ୍ଗା ଓ ଫ୍ଲାୱାରି ଜୁଏଲାରୀ ପିନ୍ଧିଥିବାର ନଜର ଆସୁଛନ୍ତି । ଏହି ଉତ୍ସବରେ ଟେଲିଭିଜନ ଅନେକ କଳାକାର ସାମିଲ ଥିଲେ ।
