ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ମଶହୁର ଅଭିନେତ୍ରୀ ପ୍ରିୟଙ୍କା ଚୋପ୍ରା ତାଙ୍କ ଫ୍ୟାନ୍ସମାନଙ୍କ ହୃଦୟ ଭାଙ୍ଗି ଦେଇଛନ୍ତି । ଆମେରିକୀ ମିଡିଆ ଅନୁଯାୟୀ ପ୍ରିୟଙ୍କା ତାଙ୍କ ବୟଫ୍ରେଣ୍ଡ ନିକ୍ ଜୋନ୍ସଙ୍କ ସହିତ ଲୁଚାଛପାରେ ନିର୍ବନ୍ଧ ବନ୍ଧନରେ ବାନ୍ଧି ହୋଇଛନ୍ତି । ୩୬ ବର୍ଷିୟ ପ୍ରିୟଙ୍କା ଚୋପ୍ରା ତାଙ୍କଠାରୁ ୧୦ ବର୍ଷ ସାନ ଆମେରିକାର ଗାୟକ ଏବଂ ଅଭିନେତା ନିକ୍ ଜୋନ୍ସଙ୍କ ସହିତ ଅନେକ ମାସ ହେଲା ଡେଟ୍ କରୁଥିଲେ । ସେ ନିକ୍ ଙ୍କୁ ଭାରତ ଆଣି ତାଙ୍କ ପରିବାର ସହ ମଧ୍ୟ ଦେଖା କରାଇଥିଲେ ।
ପ୍ରିୟଙ୍କାଙ୍କ ସଂକର୍ପକୁ ନେଇ ତାଙ୍କ ମା’ ମଧୁ ଚୋପ୍ରା ପୁରାପୁରି କଥା ବଦଳାଇ ଦେଇଥିଲେ । ସେ କହିଥିଲେ କି ତାଙ୍କ ଝିଅ ଜଣେ ବିଦେଶୀକୁ ବିବାହ କରିବାକୁ ଯାଉଛନ୍ତି । ଆମେରିକା ୱେବସାଇଟ ପିପୁଲସ୍ ଡଟ କମ୍ ଅନୁସାରେ ନିକ୍ ତାଙ୍କ ନିର୍ବନ୍ଧ ପାଇଁ ମୁଦି କିଣି ସାରିଥିଲେ । ଦୁହେଁ ଅକ୍ଟୋବରରେ ବିବାହ ବନ୍ଧନରେ ଆବଦ୍ଧ ହେବେ ବୋଲି ଶୁଣିବାକୁ ମିଳୁଛି ।
ଖବରମୁତାବକ, ନିକ୍ ଙ୍କ ସହ ନିର୍ବନ୍ଧ କରିବା ପାଇଁ ପ୍ରିୟଙ୍କା ‘ଭାରତ’ ଫିଲ୍ମ କରିବାକୁ ମନା କରିଦେଇଥିଲେ । ଯାହାକୁ ନିଜେ ଫିଲ୍ମ ନିର୍ଦ୍ଦେଶକ ଅଲି ଅବାସ ଜଫର ଟ୍ୱିଟ୍ କରି ସମସ୍ତଙ୍କୁ ଜଣାଇଥିଲେ ।
