ମୁମ୍ବାଇ (ଏଟିଆର ବ୍ୟୁରୋ): ଏବେ ଛୁଟିର ଭରପୁର ମଜା ଉଠାଉଛନ୍ତି ଦେଶୀ ଗର୍ଲ ପ୍ରିୟଙ୍କା ଚୋପ୍ରା । ସ୍ୱାମୀ ନିକ୍ ଜୋନସଙ୍କ ସହିତ ଛୁଟି କାଟିବା ବେଳର ଫଟୋ ପ୍ରିୟଙ୍କା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି ।
ପ୍ରିୟଙ୍କା ରବିବାର ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ କିଛି ଫଟୋ ପୋଷ୍ଟ କରିଛନ୍ତି । ଯେଉଁଥିରେ ସେ ପୁଲ୍ ରେ ଏକ ଧଳା ସ୍ୱିମ୍ ସୁଟ୍ ଏବଂ କଳା ଚଷମା ପିନ୍ଧିବା ସହ ହାତରେ କକଟେଲ ଧରିଥିବାର ନଜର ଆସିଛନ୍ତି । ଏହି ଫଟୋରେ ସେ କ୍ୟାପସନ୍ ଦେଇଛନ୍ତି କି, ଛୁଟିର ସବୁଠାରୁ ଭଲ ସଦୁପଯୋଗ । ସେପଟେ ପ୍ରିୟଙ୍କାଙ୍କ ପତି ନିକ୍ ଜୋନସ୍ ବି ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଟସ୍କନି ରେ ଖରାର ମଜା ଉଠାଉଛନ୍ତି ।
ସୂଚନା ଯୋଗ୍ୟ, ଫରହାନ ଅଖତର ଏବଂ ଜାୟରା ୱସିମ୍ ଙ୍କ ସହିତ ସୋନାଲି ବୋସଙ୍କ ଫିଲ୍ମ ‘ଦି ସ୍କାଇ ଇଜ୍ ପିଙ୍କ’ରେ ପ୍ରିୟଙ୍କା ନଜର ଆସିବେ ।
