ନୂଆଦିଲ୍ଲୀ (ଏଟିଆର ବ୍ୟୁରୋ): ସଲମାନ୍ ଖାଁଙ୍କ ବିଗ୍ ବଜେଟ ଫିଲ୍ମ ‘ରାଧେ’ ର ଟ୍ରେଲର ରିଲିଜ ହେବା ପରେ ଆଜି ଫିଲ୍ମର ପ୍ରଥମ ଗୀତ ‘ସିଟି ମାର୍’ ରିଲିଜ୍ ହୋଇଛି । ଏହା ଏକ ଡ୍ୟାନ୍ସ ଗୀତ । ଯେଉଁଥିରେ ସଲମାନ ଏବଂ ଦିଶା ପଟ୍ଟାନୀ ଜବରଦସ୍ତ ଡ୍ୟାନ୍ସ କରୁଥିବାର ନଜର ଆସୁଛନ୍ତି । ଏହି ଗୀତଟିକୁ ସଙ୍ଗୀତକାର ଦେବୀ ଶ୍ରୀ ପ୍ରସାଦ କମ୍ପୋଜ କରିଛନ୍ତି ।
ସଲମାନଙ୍କ ଏହି ଫିଲ୍ମରେ ଦିଶା ପଟ୍ଟାନୀ, ରଣଦୀପ ହୁଡ୍ଡା ଏବଂ ଜ୍ୟାକି ଶ୍ରଫ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଫିଲ୍ମଟି ଚଳିତ ବର୍ଷ ଇଦ୍ ଅବସରରେ ମେ ୧୩ ରେ ରିଲିଜ୍ ହେବ । ଏହାସହିତ ଜି୫ ଏବଂ ଜିପ୍ଲେକ୍ସରେ ମଧ୍ୟ ଦର୍ଶକ ଏହି ଫିଲ୍ମ ଦେଖି ପାରିବେ ।
