ମୁମ୍ବାଇ (ଏଟିଆର ବ୍ୟୁରୋ): ରଣବୀର କପୁରଙ୍କ ଫିଲ୍ମ ‘ସଞ୍ଜୁ’ର ଟ୍ରେଲର ରିଲିଜ୍ ହୋଇସାରିଛି । ଏଥିରେ ରଣବୀରଙ୍କ ଅଭିନୟକୁ ଦର୍ଶକ ଖୁବ୍ ପ୍ରଶଂସା କରୁଛନ୍ତି । ଅଭିନେତା ସଞ୍ଜୟ ଦତ୍ତଙ୍କ କାହାଣୀକୁ ନେଇ ପ୍ରସ୍ତୁତ କରାଯାଉଥିବା ଏହି ଫିଲ୍ମରେ ତାଙ୍କ ଜୀବନର ପ୍ରତିଟି ମୁହୁର୍ତ୍ତକୁ ଦର୍ଶା ଯାଇଛି । ସେହିଭଳି ଏହି ଟ୍ରେଲରରେ ରଣବୀର କପୁରଙ୍କ ନ୍ୟୁଡ୍ ସିନ୍ କୁ ନେଇ ବହୁତ ଚର୍ଚ୍ଚା ହେଉଛି ।
ପ୍ରକୃତରେ ବୋମା ବିସ୍ଫୋରଣ ମାମଲରେ ଫସିଥିବା ସଞ୍ଜୟ ଦତ୍ତଙ୍କୁ ପଚରା ଉଚରା କରିବା ପାଇଁ ଯେତେବେଳେ ପୋଲିସ ଷ୍ଟେସନ ଡକାଯାଉଛି,ସେତେବେଳେ ତାଙ୍କ ଶରୀରରୁ ସମସ୍ତ କପଡା ଖୋଲି ଦେଇ ଯାଞ୍ଚ କରାଯାଉଛି । ଏହି ସିନ୍ ରେ ରଣବୀର ସମ୍ପୂର୍ଣ୍ଣ ନ୍ୟୁଡ ନଜର ଆସୁଛନ୍ତି ।
ଫିଲ୍ମର ଟ୍ରେଲର ଲଞ୍ଚ ସମୟରେ ଉପସ୍ଥିତ ରହି ରଣବୀର ଏହି ସିନ୍ କୁ ନେଇ କହଥିଲେ ଯେ, ‘ସଞ୍ଜୁ’ ରେ ଏହି ସିନ୍ କରିବା ମୋ ପାଇଁ କଠିନ ନଥିଲା । ସେ ଆହୁରି ମଧ୍ୟ କହିଥିଲେ ଯେ ମୁଁ ମୋ ପ୍ରଥମ ଫିଲ୍ମରେ ନ୍ୟୁଡ ହୋଇ ଯାଇଥିଲି । ମୋ ଟାୱଲ ଖସି ଯାଇଥିଲା । ମୁଁ ରିଅଲ ଲାଇଫରେ ଟିକେ ଲାଜକୁଳା ଅଟେ । କିନ୍ତୁ କ୍ୟାମେରା ଆଗରେ ନିଜ ଭାବନାକୁ ନେଇ ନ୍ୟୁଡ ହେବାକୁ ପଡିଥାଏ ।
ଏହି ଫିଲ୍ମଟି ଜୁନ୍ ୨୯ରେ ପରଦାରେ ମୁକ୍ତିଲାଭ କରିବାକୁ ଯାଉଛି । ଏହି ଫିଲ୍ମରେ ରଣବୀରଙ୍କ ବ୍ୟତୀତ ପରେଶ ରାୱାଲ, ବିକି କୌଶଲ, ଅନୁଷ୍କା ଶର୍ମା, ସୋନମ କପୁର, ମନିଷା କୋଇରାଲା ଏବଂ ବୋମନ ଇରାନୀଙ୍କ ଭଳି କଳାକାରମାନେ ମୁଖ୍ୟ ଭୂମିକାରେ ନଜର ଆସିବେ ।
