ନୂଆଦିଲ୍ଲୀ (ଏଟିଆର ବ୍ୟୁରୋ): ଲମ୍ବା ବ୍ରେକ ପରେ ଫିଲ୍ମ ଶାମଶେରା’ ଜରିଆରେ ପରଦାକୁ ଫେରୁଛନ୍ତି ରଣବୀର କପୁର । ଫିଲ୍ମର ଟିଜର ମଧ୍ୟ ରିଲିଜ୍ ହୋଇସାରିଛି । ୟଶରାଜ ବ୍ୟାନରରେ ନିର୍ମିତ ଶାମଶେରା ର ଟିଜର ରିଲିଜ୍ ହେବା ମାତ୍ରେ ଚର୍ଚ୍ଚା ସାଉଣ୍ଟୁଛି । ଫିଲ୍ମରେ ରଣବୀର କପୁରଙ୍କ ଦମଦାର୍ ଲୁକ୍ ରହିଛି । କାରଣ ରଣବୀରଙ୍କ ଲୁକ୍ ଭାଇରାଲ ହୋଇଥିଲା । ଏହାକୁ ଦେଖିବା ପରେ ତାଙ୍କ ଫ୍ୟାନ୍ସମାନେ ଖୁବ୍ ପ୍ରଶଂସା କରିଥିଲେ । ଏହାସହିତ ଏହି ଫିଲ୍ମଟିକୁ ଦେଖିବା ପାଇଁ ଉତ୍ସାହିତ ଅଛନ୍ତି ଫ୍ୟାନ୍ସ ।
ଶାମଶେରା ଏକ ବିଗ୍ ବଜେଟ ପିରିୟଡ ଆକ୍ସନ ଫିଲ୍ମ । ଏହି ଫିଲ୍ମରେ ଡବଲ ରୋଲରେ ନଜର ଆସିବେ ରଣବୀର କପୁର । ଫିଲ୍ମଟି ହିନ୍ଦୀ ବ୍ୟତିତ ତାମିଲ, ତେଲୁଗୁ ଭାଷାରେ ମଧ୍ୟରେ ରିଲିଜ୍ ହେବ । ଜୁଲାଇ ୨୨ ରେ ଫିଲ୍ମଟି ପ୍ରେକ୍ଷାଳୟରେ ମୁକ୍ତିଲାଭ କରିବ ।
