ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ରଣବୀର ସିଂହ ଏବେ ତାଙ୍କ ଆଗାମୀ ଫିଲ୍ମ ୮୩ ର ସୁଟିଂ ରେ ଖୁବ୍ ବ୍ୟସ୍ତ ଅଛନ୍ତି । ସେଥିପାଇଁ ସେ ଅତ୍ୟନ୍ତ ପରିଶ୍ରମ ମଧ୍ୟ କରୁଛନ୍ତି । ମାତ୍ର ଶୁଣିବାକୁ ମିଳୁଛି କି ମିସ୍ ୱାର୍ଲ ମାନୁଷୀ ଛିଲର ବହୁତ ଶୀଘ୍ର ବଲିଉଡରେ ଡେବ୍ୟୁ କରିବା ସହିତ ସେ ରଣବୀର ସହ ଏକାଠି ନଜର ଆସି ପାରନ୍ତି ।
ୟଶରାଜ ବ୍ୟାନରରେ ରଣବୀର ସିଂହଙ୍କ ସହିତ ମାନୁଷୀ ଛିଲର କାଷ୍ଟ କରିବେ ବୋଲି ଯୋଜନା ଚାଲିଛି । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ମନୀଷ ଶର୍ମା ରହିବେ । ମାତ୍ର ଏହି ଫିଲ୍ମକୁ ନେଇ ବିଶେଷ ସୂଚନା ମିଳିପାରି ନାହିଁ, କିନ୍ତୁ ଆଶା କରାଯାଉଛି କି ମିସ୍ ୱାଲ୍ଡ ମାନୁଷୀ ଛିଲର ହିଁ ଏହି ଫିଲ୍ମରେ ନଜର ଆସି ପାରନ୍ତି ।
ନିର୍ଦ୍ଦେଶକ ମନୀଷ ଶର୍ମା ଏହାପୂର୍ବରୁ ଅନେକ ଫିଲ୍ମରେ କାମ କରି ସାରିଛନ୍ତି । ଯେପରିକି ‘ବ୍ୟାଣ୍ଡ ବାଜା ବାରାତ’, ‘ଲେଡିଜ୍ ଭର୍ସେସ ରିକି ବେହଲ’, ‘ଶୁଦ୍ଧ ଦେଶୀ ରୋମାନ୍ସ’ ଆଦି । ଏହି ସମସ୍ତ ଫିଲ୍ମ ବକ୍ସ ଅଫିସରେ ସଫଳ ମଧ୍ୟ ହୋଇଛି ।
ରିପୋର୍ଟ ମୁତାବକ, ମାନୁଷୀ ଛିଲର ବହୁତ ଶୀଘ୍ର ଫରହାନ୍ ଆଖତରଙ୍କ ଫିଲ୍ମରେ ବଲିଉଡରେ ଏଣ୍ଟ୍ରି କରିବେ । ଏହି ଫିଲ୍ମଟି ରୋହିତ ଶେଟ୍ଟୀ ବ୍ୟାନରରେ ପ୍ରସ୍ତୁତ ହେଉଛି । ଏହାପରେ ସେ ୟଶରାଜ ବ୍ୟାନରରେ ସୁଟିଂ ଆରମ୍ଭ କରିବେ ।
