ନୂଆଦିଲ୍ଲୀ (ଏଟିଆର ବ୍ୟୁରୋ): ନିଜ ଅଭିନୟରେ ସମସ୍ତଙ୍କ ହୃଦୟରେ ରାଜ କରୁଥିବା ଅଭିନେତ୍ର ତାପସୀ ପନ୍ନୁ ତାଙ୍କ ଫିଲ୍ମ ‘ରଶ୍ମି ରକେଟ’ କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ଦୀର୍ଘ ଦିନରୁ ଫ୍ୟାନ୍ସମାନେ ଏହି ଫିଲ୍ମର ଟ୍ରେଲର ଦେଖିବାକୁ ଚାହୁଁଥିଲେ । ଯାହା ଏବେ ରିଲିଜ୍ ହୋଇଛି । ଫିଲ୍ମର ଟ୍ରେଲରଟି ରିଲିଜ୍ ହେବା ମାତ୍ରେ ହିଁ ଫ୍ୟାନ୍ସ ମାନେ ବିଭିନ୍ନ ରିଆକ୍ସନ ଦେବା ଆରମ୍ଭ କରିଦେଇଛନ୍ତି । ଟ୍ରେଲରଟି ଫ୍ୟାନ୍ସଙ୍କ ସମେତ ବଲିଉଡ ଇଣ୍ଡଷ୍ଟ୍ରୀକୁ ଚମକେଇ ଦେଇଛି ।
ବାସ୍ତବରେ ଫିଲ୍ମର ଏହି ଟ୍ରେଲର ଦେଖିବା ପରେ ବଲିଉଡର ଅନେକ କଳାକାର ଏହାର ପ୍ରଶଂସା କରୁଛନ୍ତି । ଯେଉଁଥିରେ ବିକି କୌଶଲ, ଭୂମି ପେଡନେକର, ଅନୁଭବ ସିହ୍ନାଙ୍କଠୁ ନେଇ ଅନୁରାଗ କଶ୍ୟପ ପର୍ଯ୍ୟନ୍ତ ଅନେକ ସେଲିବ୍ରିଟି ‘ରଶ୍ମି ରକେଟ’ ଏବଂ ସେଥିରେ ଦେଖାଯାଇଥିବା ପ୍ରସଙ୍ଗକୁ ସମର୍ଥନ କରିଛନ୍ତି । ପ୍ରଥମ ଥର ପାଇଁ ଲିଙ୍ଗ ପରୀକ୍ଷଣ ଉପରେ ଏକ ଫିଚର ଫିଲ୍ମ କରାଯାଇଛି ଏବଂ ରଶ୍ମି ରକେଟ ରୂପେ ତାପସୀ ଫିଲ୍ମରେ ତାଙ୍କ ଆକ୍ରାମକ ଭୂମିକା ଦେଖାଇଛନ୍ତି ।
ଆକର୍ଷ ଖୁରାନାଙ୍କ ଦ୍ୱାରା ନିର୍ଦ୍ଦେଶିତ ‘ରଶ୍ମି ରକେଟ’ ରେ ତାପସୀ ପନ୍ନୁଙ୍କ ବ୍ୟତିତ ପ୍ରିୟାଂଶୁ ପ୍ୟାନୟୁଲି, ଅଭିଶେକ ବାନାର୍ଜି, ଶ୍ୱେତା ତ୍ରୀପାଠୀ ଏବଂ ସୁପ୍ରିୟା ପାଠକ ଗୁରୁତ୍ୱପୂର୍ଣ୍ଣ ଭୂମିକାରେ ନଜରକୁ ଆସିବେ । ଫିଲ୍ମଟି ଅନଲାଇନ୍ି ପ୍ଲାଟଫର୍ମ ଜି୫ରେ ୧୫ ଅକ୍ଟୋବର ୨୦୨୧ ରିଲିଜ୍ ହେବ ।
