ମୁମ୍ବାଇ(ଏଟିଆର ବ୍ୟୁରୋ):ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲରେ ଡ୍ରଗ୍ସ ଲିଙ୍କରେ ଗିରଫ ହୋଇଥିଲେ ଏକ୍ସ – ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ । ବର୍ତ୍ତମାନ ତାଙ୍କୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇଦିଆ ଯାଇଛି । ମୁ୍ମ୍ବାଇ ବାଇକୁଲା ଜେଲରେ ରିୟାଙ୍କୁ ଅଲଗା ଏକ ସେଲରେ ରଖାଯାଇଛି । ତାଙ୍କୁ ସୁରକ୍ଷା ଦେବା ପାଇଁ ଏହି ସେଲରେ ରଖାଯାଇଛି । ଗତ କାଲି ସନ୍ଧ୍ୟା ୬ଟା ରେ ରିୟାଙ୍କୁ ଡିନର ଖାଇବାକୁ ଦିଆ ଯାଇଥିଲା । ଖାଦ୍ୟରେ ଭାତ, ରୁଟି,ଡାଲି, ତରକାରି ସାମିଲ ଥିଲା । ତେବେ ଡ୍ରଗ୍ସ ଲିଙ୍କରେ ଗିରଫ ହୋଇଥିବା ରିୟା ଆଜି ସେସନ କୋର୍ଟରେ ଜାମିନ ପାଇଁ ଆବେଦନ କରିବେ । ଏହା ସହିତ ତାଙ୍କ ଭାଇ ସୌଭିକ ମଧ୍ୟ ଆଜି ଜାମିନ ଆବେଦନ କରିବେ । ସୌଭିକଙ୍କର ରିମାଣ୍ଡର ଅବଧି ଶେଷ ହେବା ପରେ ଡ୍ରଗ୍ସ ଲିଙ୍ଗରେ ଗିରଫ ହୋଇଥିବା ଅନ୍ୟ ୪ ଜଣଙ୍କୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଯିବ ।
