ମୁମ୍ବାଇ (ଏଟିଆର ବ୍ୟୁରୋ): ଦୀର୍ଘ ଦିନ ପରେ ପୁଣି ଏକାଠି ନଜର ଆସିଲେ ସଲମାନ୍ ଖାନ୍ ଏବଂ କ୍ୟାଟ୍ରିନା କୈଫ୍ । ଆଜ୍ଞା ହଁ ଏବେ ଦୁହିଁଙ୍କ ଯୋଡିକୁ ନେଇ ଚର୍ଚ୍ଚା ଜୋର ଧରିଛି । ବଲିଉଡର ଦବଙ୍ଗ ମାନେ ସଲମାନ୍ ଖାନ୍ ଏବଂ କ୍ୟାଟ୍ରିନା କୈଫଙ୍କ ଅପକମିଂ ଫିଲ୍ମ ‘ଭାରତ’ ର ସୁଟିଂ ଏବେ ପଞ୍ଜାବର ଲୁଧିଆନାରେ ଚାଲିଛି । ଏହି ସମୟର ଏକ ଫଟୋ ସାମ୍ନାକୁ ଆସିଛି, ଯେଉଁଥିରେ ଫିଲ୍ମର ସେଟ୍ ସମ୍ପୂର୍ଣ୍ଣ ନଜର ଆସୁଛି ।
ଏହି ଫଟୋରେ ସଲମାନ୍ ଏବଂ କ୍ୟାଟ୍ରିନା ଦୁହେଁ ୱାଘା ବର୍ଡରରେ ପାକିିସ୍ତାନ ଆଡକୁ ମୁହଁ କରି ଠିଆ ହୋଇଥିବା ନଜର ଆସୁଛନ୍ତି । ଦୁହିଁଙ୍କର ମୁହଁ ଦିଶୁନଥିଲେ ମଧ୍ୟ ଫ୍ୟାନ୍ସମାନେ ଏହି ଫଟୋଟିକୁ ଖୁବ୍ ପସନ୍ଦ କରିଛନ୍ତି । ଏହା ସହିତ ଏହି ଫିଲ୍ମ ଦେଖିବା ପାଇଁ ଦର୍ଶକ ମାନଙ୍କ ମଧ୍ୟରେ ଉତ୍ସାହ ବଢିବାରେ ଲାଗିଛି ।
ସବୁଠୁ ବଡ କଥା ହେଲା ପ୍ରତ୍ୟେକ ଦିନ ‘ଭାରତ’ ସେଟ୍ ରୁ କିଛି ନା କିଛି ଫଟୋ ସାମ୍ନାକୁ ଆସୁଛିି । ଏହି ଫିଲ୍ମ ପାଇଁ ପଞ୍ଜାବର ଲୁଧିଆନାରେ ଏକ ସ୍ୱତନ୍ତ୍ର ସେଟ୍ ତିଆରି କରାଯାଇଛି । ଯେଉଁଥିରେ ୱାଘା ବର୍ଡରର ସମ୍ପୂର୍ଣ୍ଣ ନକଲ କରାଯାଇଛି । ଫିଲ୍ମଟି ଆଗାମୀ ବର୍ଷ ଇଦ୍ ଅବସରରେ ରିଲିଜ୍ ପରଦାରେ ମୁକ୍ତିଲାଭ କରିବ ।
