ମୁମ୍ବାଇ (ଏଟିଆର ବ୍ୟୁରୋ): ଦବଙ୍ଗ ଖାଁ ମାନେ ସଲମାନ୍ ଖାଁଙ୍କର ଇଂଷ୍ଟାଗ୍ରାମରେ ଫଲୋଅର୍ସ ସଂଖ୍ୟା ୩୦ ମିଲିଅନ ଛୁଇଁଛି । ଏତେ ସଂଖ୍ୟକ ଫଲୋର୍ସ ଦେଖି ସଲମାନ୍ ଖାଁ ପ୍ରଫୁଲ୍ଲିତ ହୋଇପଡିଛନ୍ତି । ଏହାପରେ ସେ ଭିନ୍ନ ଅନ୍ଦାଜରେ ଫ୍ୟାନ୍ସଙ୍କ ସହିତ ଖୁସୀ ଜାହିର କରିଛନ୍ତି । ଆଜ୍ଞା ହଁ ସଲମାନ୍ ତାଙ୍କ ଇଂଷ୍ଟାଗ୍ରାମରେ ଏକ ବୁମେର୍ୟାଙ୍ଗ ଭିଡିଓ ଜାରି କରି ତାଙ୍କ ଫ୍ୟାନ୍ସ ମାନଙ୍କୁ ଧନ୍ୟବାଦ ଜଣାଇଛନ୍ତି ।
ଏହି ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରି ସେ ଲେଖିଛନ୍ତି କି, ଉଇ ମା ୩୦ ମିଲିଅନ, ସମସ୍ତଙ୍କୁ ଧନ୍ୟବାଦ । ସଲମାନଙ୍କ ଏହି ପୋଷ୍ଟରେ ୟୁଜର୍ସ ମାନେ ସଲମାନଙ୍କ ପ୍ରତି ସେମାନଙ୍କ ପ୍ରେମ ଜାହିର କରିବା ସହିତ କମେଂଟ ପରେ କମେଂଟ କରି ଚାଲିଛନ୍ତି ।
ସୂଚନାଯୋଗ୍ୟ, ସଲମାନ୍ ଏବେ ତାଙ୍କ ଅପକମିଂ ଫିଲ୍ମ ରାଧେ: ଦି ମୋଷ୍ଟ ୱାଣ୍ଟେଡ ଭାଇ କୁ ନେଇ ଖୁବ୍ ବ୍ୟସ୍ତ ଅଛନ୍ତି । ଫିଲ୍ମଟି କୋରିଆନ୍ ଫିଲ୍ମର ରିମେକ ବୋଲି କୁହାଯାଉଛି । ଏଥିରେ ସଲମାନଙ୍କ ସହିତ ଦିଶା ପଟ୍ଟାନୀ ମଧ୍ୟ ନଜର ଆସିବେ । ଫିଲ୍ମଟିକୁ ପ୍ରଭୁ ଦେବା ନିର୍ଦ୍ଦେଶନା ଦେଇଛନ୍ତି ।
