ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ସଲମାନ୍ ଖାଁଙ୍କ ଫିଲ୍ମ ‘ରାଧେ’ ର ଟ୍ରେଲର ରିଲିଜ୍ ହୋଇଯାଇଛି । ଦର୍ଶକଙ୍କ ମଧ୍ୟରେ ଟ୍ରେଲରଟି ଖୁବ୍ ଧମାଲ ମଚଉଛି । ଟ୍ରେଲରଟି ରିଲିଜ୍ ହେବା ମାତ୍ରେ ୟୁଟ୍ୟୁବରେ ଟ୍ରେଣ୍ଡ କରୁଛି । ସଲମାନଙ୍କ ଏହି ଫିଲ୍ମ ଭାରତର ପ୍ରଥମ ଏଭଳି ଫିଲ୍ମ ହେବାକୁ ଯାଉଛି ଯାହା ଏକସଙ୍ଗରେ ମଲ୍ଟିପ୍ଲାଟଫର୍ମରେ ରିଲିଜ୍ ହେବ ।
ଏହି ଫିଲ୍ମରେ ସଲମାନ ଖାଁଙ୍କ ବ୍ୟତିତ ଦିଶା ପଟ୍ଟାନୀ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ସେହିପରି ରଣଦୀପ ହୁଡ୍ଡା ମଧ୍ୟ ଏଥିରେ ଦମଦାର୍ ଭୂମିକାରେ ନଜର ଆସିବେ ।
ଇଦ୍ ଅବସରରେ ମେ ୧୩ ରେ ଫିଲ୍ମଟି ଅଲଗା ଅଲଗା ପ୍ଲାଟଫର୍ମରେ ରିଲିଜ୍ ହେବାକୁ ଯାଉଛି । ଗତକାଲି ସଲମାନ ତାଙ୍କର ଏହି ଫିଲ୍ମ ରିଲିଜ୍ ତାରିଖ ଘୋଷଣା କରିଥିଲେ । ସେହିପରି ଆଜି ଫିଲ୍ମର ଟ୍ରେଲର ରିଲିଜ୍ ହୋଇଛି ।
