ନୂଆଦିଲ୍ଲୀ (ଏଟିଆର ବ୍ୟୁରୋ): ସଲମାନ୍ ଖାଁଙ୍କ ବହୁ ପ୍ରତିକ୍ଷିତ ଫିଲ୍ମ ‘ଟାଇଗର ୩’ ଦେଖିବା ପାଇଁ ଅପେକ୍ଷାର ସହ ଚାହିଁ ବସିଛନ୍ତି ଦର୍ଶକ । ଏହାରି ମଧ୍ୟରେ ଫିଲ୍ମର ନୂତନ ପୋଷ୍ଟର ଆଜି ରିଲିଜ୍ ହୋଇଛି । ଟାଇଗର ୩’ ର ଏହି ପୋଷ୍ଟରରେ ସଲମାନ ଖାଁ ଙ୍କ ଇଂଟେଂସ ଲୁକ୍ କୁ ଦେଖି ଫ୍ୟାନ୍ସଙ୍କ ଉତ୍ସାହ ଆହୁରି ବଢିଯାଇଛି ।
ସଲମାନ ଖାଁ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଟାଇଗର ୩’ ର ଏକ ନୂତନ ପୋଷ୍ଟର ଜାରି କରିଛନ୍ତି । ଏହି ପୋଷ୍ଟରରେ ସଲମାନ ଗୋଟେ ଆଂଠୁ ମାଡି ତଳେ ବସିଛନ୍ତି ଏବଂ ହାତରେ ଏକ ବନ୍ଧୁକ ଧରିଛନ୍ତି । ପୋଷ୍ଟରରେ ସଲମାନ ବ୍ଲାକ ପ୍ୟାଣ୍ଟ ସହ ଜ୍ୟାକେଟ ଏବଂ ସିଗନେଚର ଚେକଡ ହ୍ୱାଇଟ ଆଣ୍ଡ ବ୍ଲାକ ସ୍କାର୍ଫ ପିନ୍ଧି ଡାସିଙ୍ଗ ଲାଗୁଛନ୍ତି ।
ସୂଚନାଯୋଗ୍ୟ, ଏହି ଫିଲ୍ମରେ ସଲମାନ୍ ଖାଁ ପୁଣି ଥରେ ସୁପର ଏଜେଣ୍ଟ ଟାଇଗର ଓରଫ ଅଭିନାଶ ସିଂହ ରାଠୌଡ ଭୂମିକାରେ ନଜର ଆସିବେ ।
