ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଦବଙ୍ଗ ଖାନ୍ ମାନେ ସଲମାନ ଖାନ୍ ଙ୍କ ଆଗାମୀ ଶୋ’ ‘ଦଶ କା ଦମ ସିଜନ-୩’ ଖୁବ୍ ଚର୍ଚ୍ଚାରେ ରହିଛି । ଏହି ଶୋ’ଖୁବ୍ ଶୀଘ୍ର ଟିଭି ଚ୍ୟାନେଲରେ ପ୍ରସାରିତ ହେବ । ଏହି ଶୋ’କୁ ନେଇ ସଲମାନ ଏକ ବଡ ମନ୍ତବ୍ୟ ଦେଇଛନ୍ତି । ତାଙ୍କ କହିବାନୁଯାୟୀ ‘ଦଶ କା ଦମ ସିଜନ-୩’ ତାଙ୍କ ଶୋ’ ‘ବିଗ୍ ବସ’ ଭଳି ହିଟ୍ ରେ ରହିବ ।
ମୁମ୍ବାଇରେ ‘ଦଶ କା ଦମ ସିଜନ-୩’ର ସୁଟିଂ ବେଳେ ସଲମାନ କହିଥିଲେ ଯେ, ଏହି ଶୋ’ ତାଙ୍କର ଅନ୍ୟ ଏକ ଶୋ’ ‘ବିଗ୍ ବସ-୧୨’ର ଟିଆରପିକୁ ଟକ୍କର ଦେବ । ଖବରମୁତାବକ, ସଲମାନ ‘ଦଶ କା ଦମ ସିଜନ-୩’ର ସୁଟିଂ ସାରି ଖୁବ୍ ଶୀଘ୍ର ‘ବିଗ୍ ବସ-୧୨’ରେ ହୋଷ୍ଟିଂ କରିବେ ।
ସୂଚନାନୁଯାୟୀ, ସଲମାନଙ୍କ ଫିଲ୍ମ ରେସ-୩କୁ ଦେଖିବା ପାଇଁ ଦର୍ଶକ ଖୁବ୍ ଆଗ୍ରହର ସହ ଅନେଇ ବସିଛନ୍ତି । ଏହି ଫିଲ୍ମର ଦୁଇଟି ଗୀତ ରିଲିଜ୍ ହୋଇ ସାରିଛି, ଏବଂ ଏହାର ଭଲ ରେସପନ୍ସ ମଧ୍ୟ ମିଳିଛି । ଏହି ଫିଲ୍ମଟି ଜୁନ୍ ୧୫ରେ ପରଦାରେ ରିଲିଜ୍ ହେବ ।
