ନୂଆଦିଲ୍ଲୀ (ଏଟିଆର ବ୍ୟୁରୋ): ଗୋଟେ ପଟେ ସାଉଥ ସୁପରଷ୍ଟାର ଚିରଞ୍ଜିବ ଏବଂ ଆଉ ଗୋଟେ ପଟେ ବଲିଉଡର ଦବଙ୍ଗ ଷ୍ଟାର ସଲମାନ ଖାଁ । ଯଦି ଏହି ମହାରଥୀ ପରଦାରେ ଏକାଠି ନଜର ଆସିବେ ତେବେ ଏହା ଫ୍ୟାନ୍ସମାନଙ୍କ ପାଇଁ କୌଣସି ଉପହାରଠୁ କମ ନୁହେଁ । ବାସ୍ତବରେ ନିକଟରେ ଶୁଣିବାକୁ ମିଳିଥିଲା କି ତେଲୁଗୁ ଷ୍ଟାର ଚିରଞ୍ଜିବ ସୁପରହିଟ ମଲୟାଲମ ଫିଲ୍ମ ‘ଲୁସିଫର’ ର ରିମେକ କରିବାର ନିଷ୍ପତି ନେଇଛନ୍ତି । ଖୁବ୍ ଶୀଘ୍ର ଏହାର ସୁଟିଂ ଆରମ୍ଭ ହୋଇପାରେ । ଏବେ ଶୁଣିବାକୁ ମିଳୁଛି କି ଫିଲ୍ମରେ ବଲିଉଡ ସୁପରଷ୍ଟାର ସଲମାନ ଖାଁ ମଧ୍ୟ ନଜରକୁ ଆସିବେ ।
ରିପୋର୍ଟ ମୁତାବକ, ଲୁସିଫର ର ହିନ୍ଦୀ ରିମେକରେ ଲିଡ ରୋଲରେ ଚିରଞ୍ଜିବ ନଜର ଆସିବାକୁ ଥିବା ବେଳେ ସଲମାନ ଖାଁ ଏକ ସ୍ପେଶାଲ ରୋଲରେ ନଜରକୁ ଆସିବେ । ଅବଶ୍ୟ ଏନେଇ କୌଣସି ଅଫିସିଆଲ ବୟାନ ସାମ୍ନାକୁ ଆସିନାହିଁ ।
