ନୂଆଦିଲ୍ଲୀ (ଏଟିଆର ବ୍ୟୁରୋ): ସାଉଥ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ସର୍ବଦା ତାଙ୍କ ପ୍ରଫେସନାଲ ଫ୍ରଣ୍ଟରେ ଆକ୍ଟିଭ ରହିଥାନ୍ତି । ନିକଟରେ ପୁଷ୍ପାର ଆଇଟମ ଗୀତରେ ଧମାକା କରିବା ପରେ ଏବେ ସେ ତାଙ୍କ ଆଗାମୀ ଫିଲ୍ମ ପାଇଁ ଚର୍ଚ୍ଚାରେ ରହିଛନ୍ତି । ଯାହାର ପ୍ରଥମ ଲୁକ ଏବେ ସାମ୍ନାକୁ ଆସିଛି । ଆଜ୍ଞା ହଁ ସାମନ୍ଥାଙ୍କ ବହୁ ପ୍ରତିକ୍ଷିତ ଫିଲ୍ମ ଶକୁନ୍ତଳମ ଫାଷ୍ଟ ଲୁକ୍ ସାମ୍ନାକୁ ଆସିଛି ।
ସାମନ୍ଥା ତାଙ୍କ ସୋସିଆଲ ମିଡିଆରେ ସକୁନ୍ତଳମ ର ଫାଷ୍ଟ ଲୁକ୍ ରିଭିଲ କରିଛନ୍ତି । ଏହି ଫଟୋରେ ସାମନ୍ଥା ଜଙ୍ଗଲରେ ପଶୁ, ପକ୍ଷୀଙ୍କ ମଝିରେ ବସିଥିବାର ନଜର ଆସୁଛନ୍ତି । ହାତ ଓ ଗୋଡରେ ଫୁଲ, ମୁକୁଳା କେଶ ସାଙ୍ଗକୁ ଧଳା ସାଢୀରେ ସେ କୌଣସି ରାଜକୁମାରୀଠାରୁ କମ ଦେଖାଯାଉ ନାହାନ୍ତି ।
ସାମନ୍ଥାଙ୍କର ଏହି ଲୁକ୍ ଫ୍ୟାନ୍ସମାନେ ଖୁବ୍ ପସନ୍ଦ କରୁଛନ୍ତି । ଯେଉଁଥିପାଇଁ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ସାମନ୍ଥାଙ୍କର ଏହି ଲୁକ୍ ଫଟୋ ।
