ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଦିଗଜ୍ ଅଭିନେତା ସଞ୍ଜୟ ଦତ୍ତ ଏବଂ ମାନ୍ୟତା ଦତ୍ତଙ୍କର ଆଜି ବିବାହ ବାର୍ଷିକ । ୧୩ ତମ ବିବାହ ବାର୍ଷିକ ପାଳନ କରୁଛନ୍ତି ଦତ୍ତ ଦମ୍ପତ୍ତି । ଏହି ଖାସ୍ ଦିନ ଅବସରରେ ଉଭୟ ସୋସିଆଲ ମିଡିଆରେ ସୁନ୍ଦର ପୋଷ୍ଟ ସେୟାର କରିଛନ୍ତି । ଦମ୍ପତ୍ତିଙ୍କର ଏହି ପୋଷ୍ଟକୁ ତାଙ୍କ ଫ୍ୟାନ୍ସମାନେ ଖୁବ୍ ପସନ୍ଦ କରିବା ସହିତ କମେଣ୍ଟରେ ଉଭୟଙ୍କୁ ଶୁଭେଚ୍ଛା ଜଣାଉଛନ୍ତି ।
ଇଂଷ୍ଟାଗ୍ରାମରେ ମାନ୍ୟତା ତାଙ୍କ ବିବାହର ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଲାଲ ଯୋଡୋରେ ପତି ସଞ୍ଜୟଙ୍କ ସହିତ ନଜର ଆସୁଛନ୍ତି । ପୋଷ୍ଟ ସେୟାର କରି ସେ କ୍ୟାପ୍ସନରେ ଲେଖିଛନ୍ତି, ସମ୍ପୂର୍ଣ୍ଣ ଭାବେ ଦୁହେଁ ଦୁହିଁଙ୍କ ଭିତରେ ଅନ୍ଧକାର ଏବଂ ଆଲୋକକୁ ସ୍ୱୀକାର କରିବାର ଆଉ ଏକ ବର୍ଷ । ଏକାସଙ୍ଗରେ ବାନ୍ଧି ହୋଇ ରହିବାର ଆଉ ଏକ ବର୍ଷ ।
ସେହିପରି ମାନ୍ୟତାଙ୍କ ପାଇଁ ପୋଷ୍ଟ ସେୟାର କରି ସଞ୍ଜୟ ଦତ୍ତ ଲେଖିଛନ୍ତି, ୧୧.୦୨.୨୦୦୮ ତୁମକୁ ସେତେବେଳେ ପ୍ରେମ କରିଥିଲି । ଏବେ ପୂର୍ବ ଅପେକ୍ଷା ଅଧିକ ପ୍ରେମ କରୁଛି । ହାପି ଆନିଭରସାରୀ ।
