ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ସଞ୍ଜୟ ଦତ୍ତଙ୍କୁ ଫୁସଫୁସ କର୍କଟ । ସଞ୍ଜୟଙ୍କ କର୍କଟ ଖବର ସାମ୍ନାକୁ ଆସିବା ପରେ ତାଙ୍କର ଆଗାମୀ ଫିଲ୍ମ ‘ସଡକ ୨’ ର ଟ୍ରେଲର ରିଲିଜ କୁ ବର୍ତ୍ତମାନ ପାଇଁ ଟାଳି ଦିଆଯାଇଛି । ଏଭଳି ନିଷ୍ପତି ଫିଲ୍ମ ଟିମ୍ ପକ୍ଷରୁ ନିଆଯାଇଛି ।
ଫିଲ୍ମର ଟ୍ରେଲର ଅଗଷ୍ଟ ୧୧ ରେ ରିଲିଜ୍ ହେବାର ଥିଲା କିନ୍ତୁ ସଞ୍ଜୟ ସୋସିଆଲ ମିଡିଆ ଜରିଆରେ ସୂଚନା ଦେଇଛନ୍ତି କି ସେ କିଛି ସମୟ ପାଇଁ ବ୍ରେକ ନେଉଛନ୍ତି । ଏହାପରେ ଶୁଣିବାକୁ ମିଳିଥିଲା ସଞ୍ଜୟ ଫୁସଫୁସ କର୍କଟରେ ପୀଡିତ । ହୁଏତ ଏନେଇ ତାଙ୍କ ପରିବାର ପକ୍ଷରୁ କୌଣସି ସୂଚନା ଆସିନାହିଁ । ସଞ୍ଜୟ ସୋସିଆଲ ମିଡିଆରେ କେବଳ କହିଛନ୍ତି କି ସେ କିଛି ଦିନ ପାଇଁ ଛୁଟିରେ ଅଛନ୍ତି ଏବଂ ନିଜର ସ୍ୱାସ୍ଥ୍ୟ ଚିକିତ୍ସା କରାଉଛନ୍ତି । ଏହାକୁ ଦୃଷ୍ଟିରେ ରଖି ସଡକ ୨ ର ଟିମ୍ ପକ୍ଷରୁ ଟ୍ରେଲର ରିଲିଜ୍ କୁ ଘୁଞ୍ଚାଇ ଦିଆଯାଇଛି ।
