ମୁମ୍ବାଇ (ଏଟିଆର ବ୍ୟୁରୋ): ଆଜିକାଲି ବଲିଉଡର ଦେଶୀ ଗର୍ଲ ପ୍ରିୟଙ୍କା ଚୋପ୍ରା ତାଙ୍କ ବିବାହକୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ସେ ତାଙ୍କଠାରୁ ୧୦ ବର୍ଷ ଛୋଟ ଆମେରିକାର ଗାୟକ ନିକ୍ ଜୋନ୍ସଙ୍କ ସହ ନିର୍ବନ୍ଧ କରିସାରିଛନ୍ତି ଏବଂ ବିବାହ ତାରିଖ ମଧ୍ୟ ସ୍ଥିର ହୋଇ ସାରିଛି ।
ଲୁଚାଛପା ନିର୍ବନ୍ଧ କରି ସାରିବା ପରେ ଏବେ ପ୍ର୍ରିୟଙ୍କାଙ୍କ ବିବାହକୁ ନେଇ ଚାରିଆଡେ ଚର୍ଚ୍ଚା ହେଉଛି । ଏଥିରେ ବଲିଉଡ କଳାକାରମାନେ ମଧ୍ୟ ବାଦ୍ ପଡି ନାହାନ୍ତି । ନିକଟରେ ଶାହରୁଖ୍ ଖାଁ ଅଭିନେତ୍ରୀ ପ୍ରିୟଙ୍କାଙ୍କ ବିବାହକୁ ନେଇ କଂମେଟ କରିଛନ୍ତି ।
ଯେତେବେଳେ ଶାହରୁଖ୍ ଙ୍କୁ ପ୍ରିୟଙ୍କାଙ୍କ ବିବାହ ବିଷୟରେ ପଚରାଗଲା ସେ କହିଥିଲେ କି, ମୁଁ ବି ବିବାହ କରିବାକୁ ଯାଉଛି । ଆପଣମାନଙ୍କୁ ବିବାହ କାର୍ଡ ଏବଂ ରିସ୍ପେସନ୍ କାର୍ଡ ପଠେଇ ଦେବି । ମେହେନ୍ଦୀରେ ଆପଣମାନେ ଜରୁର ଆସିବେ ।
ଶାହରୁଖ୍ ଙ୍କର ଏଭଳି ବୟାନ ଶୁଣି ସମସ୍ତେ ହସିବାରେ ଲାଗିଥିଲେ ।
