ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ବାଦଶାହା ଶାହରୁଖ ଖାଁ ଏବଂ ସୁପରଷ୍ଟାର ଅଜୟ ଦେବଗନଙ୍କୁ ଏକାଠି ପରଦାରେ ଖୁବ୍ କମ ଦେଖିବାକୁ ମିଳିଥାଏ । କିନ୍ତୁ ନିକଟରେ ଅଜୟ ଏବଂ ଶାହରୁଖ ଦୁହେଁ ଏକାଠି ଏକ ବିଜ୍ଞାପନ ସୁଟ୍ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ପାନ ମସଲା କମ୍ପାନୀ ବିମଲ ପାଇଁ ଉଭୟ ବିଜ୍ଞାପନ ସୁଟ୍ କରିଛନ୍ତି । ଅବଶ୍ୟ ବିଜ୍ଞାପନ ଦେଖିବା ପରେ ଶାହରୁଖ ଟ୍ରୋଲର ଶିକାର ହୋଇଛନ୍ତି ।
ଦୀର୍ଘ ବର୍ଷ ପରେ ଶାହରୁଖ ଏବଂ ଅଜୟଙ୍କ ଯୋଡିଙ୍କୁ ଏକାଠି ପରଦାରେ ଦେଖିବାକୁ ମିଳିଛି । ଏହି ଭିଡିଓଟି ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଲୋକଙ୍କ କହିବାନୁଯାୟୀ, ଶାହରୁଖଙ୍କ ବ୍ରାଣ୍ଡ ଭ୍ୟାଲ୍ୟୁ ପୂର୍ବାପେକ୍ଷା କମ ହୋଇଛି । ସେଥିପାଇଁ ସେ ପାନ ମସଲା କମ୍ପାନୀର ବିଜ୍ଞାପନ କରିଛନ୍ତି । ଏହାସହିତ ଏହି ବିଜ୍ଞାପନ ସହ ଜଡିତ ଅନେକ ମେମ୍ସେ ମଧ୍ୟ ସୋସିଆଲ ମିଡିଆରେ ସେୟାର କରାଯାଉଛି ।
ସୂଚନାଯୋଗ୍ୟ, ବହୁତଶୀଘ୍ର ଶାହରୁଖ ଖାଁ ଫିଲ୍ମ ପଠାନ ରେ ନଜର ଆସିବେ । ଏହି ଫିଲ୍ମରେ ସେ ମୁଖ୍ୟ ଚରିତ୍ରରେ ନଜର ଆସିବାକୁ ଥିବା ବେଳେ ତାଙ୍କ ବିପକ୍ଷରେ ନାୟିକା ଭାବେ ଦୀପିକା ପାଦୁକୋନଙ୍କୁ ଦେଖିବାକୁ ମିଳିବ । ସେହିପରି ଏହି ଫିଲ୍ମରେ ଜନ୍ ଆବ୍ରାହମଙ୍କର ଗୁରୁତ୍ୱପୂର୍ଣ୍ଣ ଭୂମିକା ଥିବା ବେଳେ କ୍ୟାମିୟୋ କରୁଥିବାର ନଜର ଆସିବେ ସଲମାନ ଖାଁ ।
