ନୂଆଦିଲ୍ଲୀ (ଏଟିଆର ବ୍ୟୁରୋ): ବିବାହର ଚାରି ବର୍ଷ ପରେ ଖୁସୀ ଖବର ଦେଲେ ବଲିଉଡ ଅଭିନେତ୍ରୀ ସୋନମ କପୁର । ସେ ଏବେ ମା’ ହେବାକୁ ଯାଉଛନ୍ତି । ଏନେଇ ସୋନମ ସୋସିଆଲ ମିଡିଆରେ ଫଟୋ ସେୟାର କରି ଘୋଷଣା କରିଛନ୍ତି । ଫଟୋରେ ସୋନମ ତାଙ୍କ ସ୍ୱାମୀ ଆନନ୍ଦ ଆହୁଜାଙ୍କ କୋଳରେ ଶୋଇ ବେବି ବମ୍ପ ଫ୍ଲଣ୍ଟ କରୁଥିବାର ନଜରକୁ ଆସୁଛନ୍ତି ।
ସୋନମ କପୁର ତାଙ୍କ ଅଫିସିଆଲ ସୋସିଆଲ ମିଡିଆ ଆକାଉଣ୍ଟରେ ଫଟୋ ସେୟାର କରିବା ସହିତ ତାଙ୍କ କୁନି ବେବି ପାଇଁ ଏକ ସୁନ୍ଦର କ୍ୟାପ୍ସନ ମଧ୍ୟ ଲେଖିଛନ୍ତି । ଏହାସହିତ କୁନି ବେବିକୁ ସ୍ୱାଗତ କରିବା ପାଇଁ ସେ ଆଉ ଅଧିକ ଅପେକ୍ଷା କରି ପାରୁ ନାହାନ୍ତି ବୋଲି କହିଛନ୍ତି ।
