ମୁମ୍ବାଇ(ଏଟିଆର ବ୍ୟୁରୋ):ରିଲିଜ ହୋଇଯାଇଛି ଅପ କମିଙ୍ଗ ଫିଲ୍ମ ଷ୍ଟ୍ରୀଟ୍ ଡ୍ୟାନ୍ସର ଥ୍ରୀଡିର ଟ୍ରେଲର ।ବୁଧବାର ଦିନ ରିଲିଜ ହୋଇଥିବା ଏହି ଟ୍ରେଲରକୁ ଦର୍ଶକ ମାନେ ଖୁବ ପସନ୍ଦ କରୁଛନ୍ତି । ରିଲିଜ ହେବାର ମାତ୍ର ଦୁଇ ଘଣ୍ଟା ମଧ୍ୟରେ ପ୍ରାୟ ୨୫ ଲକ୍ଷ ଲୋକ ଏହି ଟ୍ରେଲରକୁ ଦେଖିସାରିଲେଣି । ଦର୍ଶକ ମାନେ ଟ୍ରେଲର ଦେଖି ବହୁ ଉତ୍ସାହିତ ହୋଇ ରିଲିଜ ଡେଟକୁ ଅପେକ୍ଷା କରିଛନ୍ତି ।
ଜବରଦସ୍ତ ଡ୍ୟାନ୍ସ ସହିତ ଭାରତ ପାକିସ୍ତାନ ମଧ୍ୟରେ ଥିବା ପ୍ରତିଯୋଗିତାକୁ ଡ୍ୟାନ୍ସ ମାଧ୍ୟମରେ ଦର୍ଶକ ମାନେ ଦେଖିବାକୁ ପାଇବେ । ଏହା ସହ ଫିଲ୍ମରେ ରହିଛି ଟୁଇଷ୍ଟ ଆଉ ସସପେନ୍ସ । ଏଥିରେ ନାୟକ ଭାବେ ବରୁଣ ଧାୱନ ଅଭିନୟ କରିଥିବା ବେଳେ ତାଙ୍କ ନାୟିକା ସାଜିଛନ୍ତି ଶ୍ରଦ୍ଧା କାପୁର । ଫିଲ୍ମଟି ଟି-ସିରିଜ ବ୍ୟାନରରେ ନିର୍ମାଣ ହୋଇଥିବା ବେଳେ ଏହାକୁ ନିର୍ଦ୍ଦେଶନା ଦେଇଛନ୍ତି ଡ୍ୟାନ୍ସ ମାଷ୍ଟର ରେମୋ ଡିସୁଜା ।
ଅନ୍ୟପକ୍ଷ ଏହି ଫିଲ୍ମରେ ଡ୍ୟାନ୍ସ ମାଷ୍ଟର ପ୍ରଭୁଦେବା, ଡ୍ୟାନ୍ସର ରାଘବ, ଧର୍ମେଶ, ଅଭିନେତ୍ରୀ ନୋର ଫତେହିଙ୍କୁ ଦେଖିବାକୁ ମିଳିବ । ଏହି ଫିଲ୍ମଟି ଆସନ୍ତା ଜାନୁଆରୀ ମାସ ୨୧ ତାରିଖ ଦିନ ବଡ ପରଦାରେ ରିଲିଜ ହେବ । ତେବେ ଦେଖିବାର ଅଛି ବକ୍ସ ଅଫିରେ ଷ୍ଟ୍ରୀଟ୍ ଡ୍ୟାନ୍ସର ଥ୍ରୀଡି ଫିଲ୍ମଟି କେତେ ବ୍ୟବସାୟ କରୁଛି ଓ ଦର୍ଶକ ମାନଙ୍କୁ କେତେ ପସନ୍ଦ ଆସୁଛି ।
