ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡର ଲୋକପ୍ରିୟ ନିର୍ମାତାଙ୍କ ମଧ୍ୟରୁ ଜୋୟା ଆଖତର୍ ଅନ୍ୟତମ । ସେ ଅନେକ ଫିଲ୍ମ ଯେପରିକି ‘ଜିନ୍ଦେଗୀ ନା ମିଲେଗି ଦୋବାରା’, ‘ଦିଲ୍ ଧଡକନେ ଦୋ’, ‘ଗଲି ବୟ’ ଭଳି ସୁପରହିଟ୍ ଫିଲ୍ମର ନିର୍ଦ୍ଦେଶନା ଦେଇ ସାରିଛନ୍ତି । ନିକଟରେ ଜୋୟା ତାଙ୍କ ସୋସିଆଲ ମିଡିଆ ଆକାଉଣ୍ଟ ଜରିଆରେ ବଡ ଘୋଷଣା କରିଛନ୍ତି ।
ସେ କହିଛନ୍ତି କି, ଲୋକପ୍ରିୟ କମିକ୍ସ ଆର୍ଚି ଉପରେ ଆଧାରିତ ‘ଦି ଆର୍ଚିଜ’ ର ନିର୍ଦ୍ଦେଶନା କରିବା ପାଇଁ ସେ ପ୍ରସ୍ତୁତ । ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଏହି ଫିଲ୍ମର ପ୍ରିମିୟର ହେବ ।
ରିପୋର୍ଟ ମୁତାବକ, ଜୋୟା ‘ଦି ଆର୍ଚିଜ’ ସହିତ ଖୁସୀ କପୁର, ସୁହାନା ଖାଁ ଏବଂ ଅଗସ୍ତ୍ୟ ନନ୍ଦାଙ୍କୁ ଲଞ୍ଚ କରିପାରନ୍ତି । ଅବଶ୍ୟ ଏନେଇ କୌଣସି ପ୍ରକାରେ ଅଫିସିଆଲ ସୂତ୍ରରୁ ଘୋଷଣା କରାଯାଇ ନାହିଁ ।
