ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ଅଭିଶେଖ ବଚ୍ଚନଙ୍କ ବହୁ ପ୍ରତିକ୍ଷିତ ଫିଲ୍ମ ‘ଦି ବିଗ୍ ବୁଲ’ କୁ ନେଇ ତାଙ୍କ ଫ୍ୟାନ୍ସମାନେ ଖୁବ୍ ଉତ୍ସାହିତ ଅଛନ୍ତି । ଫିଲ୍ମର ଅପଡେଟ ଲଗାତର ଭାବେ ସାମ୍ନାକୁ ଆସୁଥିବା ବେଳେ ଏବେ ଏହି ଧମାକାଦାର ଫିଲ୍ମର ଟ୍ରେଲର ରିଲିଜ୍ ହୋଇଛି । ଟ୍ରେଲରଟି ରିଲିଜ୍ ହେବା ମାତ୍ରେ ହିଁ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଟ୍ରେଲରରେ ଅଭିନେତା ଅଭିଶେଖ ଏବଂ ଅଭିନେତ୍ରୀ ଇଲିଆନା ଡିକ୍ରୁ୍ଜଙ୍କ ଲୁକ୍ସକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଛନ୍ତି ।
https://www.instagram.com/tv/CMlewCXDxK-/?utm_source=ig_web_copy_link
୩ ମିନିଟ୍ ୮ ସେକେଣ୍ଡର ଏହି ଟ୍ରେଲରଟିକୁ ଅଭିଶେକ ତାଙ୍କ ସୋସିଆଲ ମିଡିଆରେ ସେୟାର କରିଛନ୍ତି । ଏଥିରେ କ୍ୟାପ୍ସନ ଦେଇଛନ୍ତି, ଏହା ସ୍କାମ ନଥିଲା ଏହା ଥିଲ ଏକ ମହାଘୋଟାଲା । ଟ୍ରେଲରରେ ଅନେକ ଦମଦାର ଡାଇଲଗ୍ସକୁ ଶୁଣିବାକୁ ମିଳୁଥିବା ବେଳେ ଅଭିଶେକ ଏବଂ ଇଲିଆନାଙ୍କ କେମେଷ୍ଟ୍ରୀଙ୍କୁ ଦର୍ଶକ ଖୁବ୍ ପସନ୍ଦ କରୁଛନ୍ତି ।
ଅଭିଶେକ ବଚ୍ଚନଙ୍କ ଏହି ଫିଲ୍ମ ‘ଦି ବିଗ୍ ବୁଲ’ ଏପ୍ରିଲ ୮ ତାରିଖରେ ଡିଜନୀ ପ୍ଲସ ହଟଷ୍ଟାରରେ ରିଲିଜ୍ ହେବ । ଫିଲ୍ମର ଏହି କାହାଣୀଟି ୧୯୯୨ ମସିହାରେ ହୋଇଥିବା ଭାରତୀୟ ଷ୍ଟକ୍ ମାର୍କେଟର ସବୁଠାରୁ ବଡ ସ୍କାମର ଅଭିଯୁକ୍ତ ହର୍ଷଦ ମେହତାଙ୍କ ଉପରେ ଆଧାରିତ । ଏଥିରେ ହର୍ଷଦଙ୍କ ଭୂମିକାରେ ନଜର ଆସିବେ ଅଭିଶେକ ।
