ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ଫରହାନ୍ ଅଖ୍ତର ଏବଂ ଆମାଜନ ପ୍ରାଇମ ଭିଡିଓ ତାର ସୋସିଆଲ ମିଡିଆରେ ଅପକମିଂ ଫିଲ୍ମ ‘ତୁଫାନ୍’ ର ଟିଜର ଲଞ୍ଚ କରିଛି । ଏହି ଫିଲ୍ମଟିକୁ ରାକେଶ ଓମ ପ୍ରକାଶ ମେହେରା ନିର୍ଦ୍ଦେଶନା ଦେଉଥିବା ବେଳେ ଫିଲ୍ମରେ ମୃଣାଳ ଠାକୁର, ପରେଶ ରାୱଲ, ସୁପ୍ରିୟା ପାଠକ ଏବଂ ହୁସୈନ ଦଲାଲ ପ୍ରମୁଖ ଭୂମିକାରେ ରହିଛନ୍ତି ।
ଫିଲ୍ମ ‘ତୁଫାନ୍’ ର ଟିଜରରେ ଅଜୁ ଭାଇ ନାମକ ଜଣେ ବ୍ୟକ୍ତିଙ୍କ ଲାଇଫ ବିଷୟରେ ଦର୍ଶାଯାଇଛି । ଯେଉଁଥିରେ ଫରହାନ୍ ଅଖ୍ତର ଅଭିନୟ କରିଛନ୍ତି । ପ୍ରକୃତରେ ସେ ଜଣେ ଗୁଣ୍ଡା, ସେ ଲୋକଙ୍କୁ ମରାମାରି କରେ, ଯେଉଁଟିକୁ ଯାଏ ଝଗଡା କରେ । ପରେ ସେ ତା ଜୀବନ ବଦଳାଇବାର ନିଷ୍ପତି ନେଉଛି ଏବଂ ଏକ ବକ୍ସର ହେବା ପାଇଁ ନିର୍ଣ୍ଣୟ ନେଇଛି । ନିଜ ପ୍ରେମିକା , କୋଚ୍ ଏବଂ ନିଜର କଠିନ ପରିଶ୍ରମ ବଳରେ ସେ ଅଜୁ ଭାଇରୁ ‘ତୁଫାନ୍’ ହୋଇଯାଉଛି ।
ଟିଜରଟି ବକ୍ସିଂ ରିଙ୍ଗର ଘଣ୍ଟି ଏବଂ ଦୁଇ ବକ୍ସରଙ୍କ ମଧ୍ୟରେ ଫାଇଟରୁ ଆରମ୍ଭ । ଏଥିରେ ଜଣେ ବକ୍ସର ଫରହାନ ଅଛନ୍ତି, ଯିଏ ପଞ୍ଚ ଖାଇବା ପରେ ରିଙ୍ଗରେ ପଡି ଯାଉଛନ୍ତି । ଏହାପରେ ସେ ଅଜୁ ଭାଇ ରୂପେ ଲୋକଙ୍କୁ ମରାମାରି କରୁଥିବାର ନଜର ଆସୁଛନ୍ତି । ଏହାପରେ ସେ ବକ୍ସିଂ ପାଇଁ ପ୍ରାକ୍ଟିସ୍ କରୁଛନ୍ତି । କୋଚ୍ ଙ୍କୁ ଭେଟି ବକ୍ସିିଂ ଶିଖିବା ପାଇଁ କହୁଛନ୍ତି ।
୨୪୦ ରୁ ଅଧିକ ଦେଶରେ ୨୧ ମେ ୨୦୨୧ ରେ ଅନଲାଇନ ପ୍ଲାଟଫର୍ମ ଆମାଜନ ପ୍ରାଇମ ରେ ଷ୍ଟ୍ରିମିଙ୍ଗ ହେବ ‘ତୁଫାନ୍’ । ଏହି ଫିଲ୍ମର ପ୍ରଯୋଜନା ଦାୟିତ୍ୱରେ ରିତେଶ ସିଧୱାନୀ, ରାକେଶ ଓମ ପ୍ରକାଶ, ଫରହାନ୍ ଅଖ୍ତର ଅଛନ୍ତି ।
