ନୂଆଦିଲ୍ଲୀ (ଏଟିଆର ବ୍ୟୁରୋ): ସିନେମା ହଲରେ ଧୁମ୍ ମଚାଉଛି ବରୁଣ ଧୱନ ଓ କିଆରା ଆଡଭାନୀଙ୍କ ଫିଲ୍ମ ‘ଜୁଗ୍ ଜୁଗ୍ ଜିଓ’ । ଚାରିଆଡୁ ଚର୍ଚ୍ଚା ସାଉଁଟୁଛି କରଣ ଜୋହରଙ୍କ ଏହି ଫିଲ୍ମ । ରିଲିଜ୍ ର ଦ୍ୱିତୀୟ ଦିନରେ ଖୁବ୍ ଆୟ କରିଛି ଜୁଗ୍ ଜୁଗ୍ ଜିଓ ।
ଓପନିଙ୍ଗ ଡେ’ର ଆୟ ପରେ ଦ୍ୱିତୀୟ ଦିନର ବକ୍ସ ଅଫିସ କଲେକ୍ସନ ଉପରେ ସମସ୍ତଙ୍କ ନଜର ରହିଥିଲା । ହିନ୍ଦୀ ଫିଲ୍ମ ସମୀକ୍ଷକ ତରଣ ଆଦର୍ଶ , ଫିଲ୍ମ ଜୁଗ୍ ଜୁଗ୍ ଜିଓ ରିଲିଜ୍ ର ଦ୍ୱିତୀୟ ଦିନର କଲେକ୍ସନ ସେୟାର କରିଛନ୍ତି । ସେହିଅନୁଯାୟୀ ଦ୍ୱିତୀୟ ଦିନରେ ଫିଲ୍ମଟି ୧୨.୫୫ କୋଟି ଆୟ କରିଛି । ଯାହା ଓପନିଙ୍ଗ ଡେରୁ ସାଢେ ତିନି କୋଟି ଅଧିକ ଆୟ କରିଛି । ପ୍ରଥମ ଦିନରେ ୯.୨୮ କୋଟି ଆୟ ହୋଇଥିଲା ।
