ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ଭିକି କୌଶଲ ଏବଂ ଅଭିନେତ୍ରୀ କିଆରା ଆଡଭାନୀ ଖୁବ୍ ଶୀଘ୍ର ଏକ ଗୀତ ସୁଟିଂ କରିବାକୁ ଯାଉଛନ୍ତି । ଯାହାର ଟାଇଟେଲ ରହିଛି ‘ଗୋବିନ୍ଦା ନାମ ମେରା’ ।
ଗୀତ ସୁଟିଂ ପୂର୍ବରୁ ରିହର୍ସଲ ଆରମ୍ଭ କରିଦେଇଛନ୍ତି ଭିକ୍କି ଓ କିଆରା । ଏହି ଯୋଡିଙ୍କ ଗୀତ ଦେଖିବା ପାଇଁ ଫ୍ୟାନ୍ସ ଖୁବ୍ ଉତ୍ସାହିତ । ଏହାପୂର୍ବରୁ ଫିଲ୍ମ ଲଷ୍ଟ ଷ୍ଟୋରୀ ଏବଂ ମିଷ୍ଟର ଲେଲେ ରେ ଭିକ୍କି ଓ କିଆରାଙ୍କୁ ଏକାଠି ଦେଖିବାକୁ ପାଇଥିଲେ ଦର୍ଶକ ।
ସୂଚନାଯୋଗ୍ୟ, ଗୋବିନ୍ଦା ନାମ ମେରା ଫିଲ୍ମଟି ଗତବର୍ଷ ନଭେମ୍ବର ମାସରେ ଘୋଷଣା କରାଯାଇଥିଲା । ଫିଲ୍ମଟି ସମ୍ପୂର୍ଣ୍ଣ ଏକ୍ସଟ୍ରା ମ୍ୟାରିଟାଲ ଆଫେୟର ଉପରେ ଆଧାରିତ । ଯେଉଁଥିରେ ଭିକ୍କ ଏବଂ କିଆରାଙ୍କ ସହ ଭୂମି ପେଡନେକର ମଧ୍ୟ ନଜର ଆସିବେ । ଧର୍ମା ପ୍ରଡକ୍ସନ ବ୍ୟାନରରେ ନିର୍ମାଣ ହେଉଛି ଫିଲ୍ମ ‘ଗୋବିନ୍ଦା ନାମ ମେରା’ ।
