ଭୁବନେଶ୍ୱର,(ଏଟିଆର ବ୍ୟୁରୋ): ଆରପାରିରେ ବେଙ୍ଗଲି ଅଭିନେତ୍ରୀ ପାୟଲ ଚକ୍ରବର୍ତ୍ତୀ । ବୁଧବାର ସନ୍ଧ୍ୟାରେ ତାଙ୍କର ମୃତଦେହ ଏକ ହୋଟେଲ ଭିତରୁ ଠାବ କରାଯାଇଛି । ତେବେ ମୃତ୍ୟୁର କାରଣ ଜଣାପଡିନଥିବା ବେଳେ ଘଟଣାକୁ ନେଇ ସନ୍ଦେହ ଉପୁଜିଛି ।
ପୁଲିସ ମୃତଦେହକୁ ଜବତ କରି ଘଟଣାର ଖୋଳତାଡ ଆରମ୍ଭ କରିଛି । ରିପୋର୍ଟ ଅନୁସାରେ, ଗାଙ୍ଗଟକ ଯିବା ଲାଗି ଯୋଜନା ଥିବା ବେଳେ ମଙ୍ଗଳବାର ଅଭିନେତ୍ରୀ ପାୟଲ ହୋଟେଲ ବୁକ କରିଥିଲେ । ବୁଧବାର ତାଙ୍କର ଗ୍ୟାଙ୍ଗଟକ ଯିବାର ଥିଲା । ହେଲେ ସେ ଚେକ ଆଉଟ ନକରିବାରୁ ହୋଟେଲ କର୍ମଚାରୀ ତାଙ୍କ ରୁମ ପାଖରେ ପହଞ୍ଚିଥିଲେ । ବାରମ୍ବାର ଡାକିବା ସହ କବାଟ ବାଡେଇଥିଲେ ବି ପାୟଲ ବିଲକୁଲ ଶୁଣିନଥିଲେ ।
ସନ୍ଦେହ ହେବାରୁ କବାଟ ଭାଙ୍ଗି ହେଟେଲ କର୍ମଚାରୀ ଭିତରକୁ ପଶିଥିବା କୁହାଯାଉଛି । ଏହାପରେ ତାଙ୍କ ମୃତ୍ୟୁ ଘଟଣା ସାମ୍ନାକୁ ଆସିଛି । ଏକାଧିକ ସିରିଅଲ ଓ ଫିଲ୍ମରେ ନିଜର ଜଲୱା ଦେଖାଇଛନ୍ତି ପାୟଲ ।
