ମୁମ୍ବାଇ (ଏଟିଆର ବ୍ୟୁରୋ): ରାଜ୍ କୁମାର ରାଓ ଏବଂ ସୋନମ କପୁରଙ୍କ ଆଗାମୀ ଫିଲ୍ମ ‘ଏକ ଲଡକୀ କୋ ଦେଖା ତୋ ଏସା ଲଗା’ ର ଟ୍ରେଲର ରିଲିଜ୍ ହୋଇ ଯାଇଛିି । ଯେଉଁଥିରେ ଅନୀଲ କପୁର ଏବଂ ସୋନମ କପୁରଙ୍କ ବାପ-ଝିଅର କେମେଷ୍ଟ୍ରି ଦେଖିବାକୁ ମିଳିଛି । ଅନ୍ୟପଟେ ଟ୍ରେଲରରେ ରାଜକୁମାର ରାଓ ତାଙ୍କ ଭୂମିକାକୁ ରିଭିଲ କରୁଥିବାର ନଜର ଆସିଛନ୍ତି । ଏହି ଫିଲ୍ମରେ ରାଜକୁମାର ସାହିଲ ମିର୍ଜା ଭୂମିକାରେ ଅଭିନୟ କରିଛନ୍ତି । ଏହାସହିତ ସୋନମ ଏବଂ ଅନୀଲ କପୁରଙ୍କ ମଧ୍ୟରେ ବାପ-ଝିଅର ଦମଦାର ସଂପର୍କ ଥିବା ଦେଖିବାକୁ ମିଳିଛି ।
ସୋନମ କପୁର ଏକ ପଞ୍ଜାବୀ ପରିବାରର ହୋଇଥିବା ବେଳେ ରାଜକୁମାର ଏକ ମୁସଲମାନ ପରିବାରର ପୁଅ, ଏବଂ ଦୁହିଁଙ୍କ ମଧ୍ୟରେ ପ୍ରେମ ଆରମ୍ଭ ହୋଇ ବାହାଘର ପର୍ଯ୍ୟନ୍ତ କଥା ପହଁଚି ଯାଇଛି । ଟ୍ରେଲରଟି ଦେଖିଲା ପରେ ଆଗକୁ କାହାଣୀ ଦେଖିବା ପାଇଁ ଦର୍ଶକଙ୍କ ମଧ୍ୟ ରେ ଉତ୍ସାହ ବଢି ଯାଇଛି ।
ଏହି ଫିଲ୍ମର ପୋଷ୍ଟରଟି ପୂର୍ବରୁ ରିଲିଜ୍ ହୋଇଯାଇଥିଲା । ଏଥିରେ ସୋନମ କପୁର, ଅନୀଲ କପୁର, ରାଜକୁମାର ରାଓଙ୍କ ବ୍ୟତିତ ଜୁହି ଚାୱାଲ ବି ନଜର ଆସିବେ । ଫିଲ୍ମର ପ୍ରଯୋଜନା ଦାୟିତ୍ୱରେ ବିଧୁ ବିନୋଦ ଚୋପ୍ରା ଏବଂ ରାଜକୁମାର ହିରାନୀ ଅଛନ୍ତି । ୨୦୧୯ ଫେବୃଆରୀ ମାସ ପ୍ରଥମ ସପ୍ତାହରେ ଫିଲ୍ମଟି ପରଦାରେ ମୁକ୍ତିଲାଭ କରିବ ।
