ମୁମ୍ବାଇ(ଏଟିଆର ବ୍ୟୁରୋ): ଆୟୁଷ୍ମାନ ଖୁରାନାଙ୍କ ଫିଲ୍ମ ଶୁଭ୍ ମଙ୍ଗଲ ଯ୍ୟାଦା ସାବଧାନ୍ କୁ ସେନ୍ସର ବୋର୍ଡରେ ମିଳିଲା ଗ୍ରୀନ ସିଗନାଲ । ଆସନ୍ତା ସପ୍ତାହରେ ରିଲିଜ୍ ହେବାକୁ ଥିବା ଏହି ଫିଲ୍ମରେ ଆୟୁଷ୍ମାନ ଜଣେ ଗେ’ ବା ସମଲିଙ୍ଗୀ ବିବାହ କରିବାକୁ ଚାହୁଁଥିବା ଜଣେ ଯୁବକଙ୍କ ଭୂମିକାରେ ନଜର ଆସିବେ ।
ଫିଲ୍ମ ନିର୍ମାତା ଭୂଷଣ କୁମାରଙ୍କ ଦ୍ୱାରା ନିର୍ମିତ ହୋଇଛି ଏହି ଫିଲ୍ମ । ସିବିଏଫସି ବା ସେଣ୍ଟ୍ରାଲ ବୋର୍ଡ ଅଫ ଫିଲ୍ମ ସାର୍ଟିଫିକେସନ ଦ୍ୱାରା ଏହି ଫିଲ୍ମକୁ ୟୁଏ ସାର୍ଟିଫିକେଟ ମିଳିଛି । ଏହି ଫିଲ୍ମଟି ସମ୍ପୂର୍ଣ୍ଣ ଭାବରେ ଏକ ପାରିବାରିକ ଫିଲ୍ମ ବୋଲି ଫିଲ୍ମର ନିର୍ମାତା ଟ୍ୱିଟ୍ କରି ସିନେପ୍ରେମୀ ମାନଙ୍କୁ ଜଣାଇଛନ୍ତି ।
ଫିଲ୍ମଟି ହିତେଶ କେବଲ୍ୟାଙ୍କ ନିର୍ଦ୍ଦେଶନାରେ ନିର୍ମିତ ହୋଇଛି । ସିନେମାଟିର ସମୟ ସୀମା ୧୧୯ମିନିଟ ୩୭ ସେକେଣ୍ଡ ରହିଛି ।
