ମୁମ୍ବାଇ(ଏଟିଆର ବ୍ୟୁରୋ): ଜି ଷ୍ଟୁଡିଓ ବ୍ୟାନରେ ନିର୍ମିତ ହ୍ୟାକ୍ଡ୍ ଫିଲ୍ମିରର ଟ୍ରେଲର ରିଲିଜ୍ ହୋଇଛି । ଏହି ପିଲ୍ମକୁ ବିକ୍ରମ ଭଟ୍ଟ ନିର୍ଦ୍ଦେଶନା ଦେଇଥିବା ବେଳେ ଅମର ଠକ୍କର, କୃଷ୍ଣ ଭଟ୍ଟ ଓ ଜତିନ ସେଠି ମିଳିତ ଭାବେ ପ୍ରଯୋଜନା କରିଛନ୍ତି । ଫିଲ୍ମରେ ହିନା ଖାନ, ରୋଶନ ଶାହ, ମୋହିତ ମଲହୋତ୍ରା ଓ ସିଡ୍ ମକ୍କାରେ ପ୍ରମୁଖ ଅଭିନୟ କରିଛନ୍ତି । ଫିଲ୍ମରେ ଇଣ୍ଟରନେଟ ହ୍ୟାକିଂ କାରଣରୁ କିଭଳି ଜଣେ ବ୍ୟକ୍ତିର ଜୀବନ ବର୍ବାଦ ହୋଇଯାଏ ସେ ବିଷୟରେ ଦେଖିବାକୁ ମିଳିବ । ପ୍ରଥମ ଥର ପାଇଁ ହିନା ଖାନଙ୍କୁ ଏହି ପିଲ୍ମ ମାଧ୍ୟମରେ ବଲିଉଡରେ ଦେଖିବାକୁ ମିଳିବ ।
ତେବେ ଫିଲ୍ମର ଟ୍ରେଲରରେ ହିନାଙ୍କୁ ଏକ ଦମଦାର ଅନ୍ଦାଜ୍ରେ ଦେଖିବାକୁ ମିଳିଛି । ଟ୍ରେଳରକୁ ଦର୍ଶକ ମାନେ ଖୁବ ରେସପନ୍ସ କରିଛନ୍ତି । ମାତ୍ର ୨୪ ଘଣ୍ଟାରେ ୩ ଲକ୍ଷ ଲୋକ ଏହି ଟ୍ରେଲରକୁ ଦେଖି ସାରିଲେଣି । ଆସନ୍ତା ଫେବୃଆରୀ ୭ତାରିଖରେ ଏହି ଫିଲ୍ମ ବଡ ପରଦାରେ ଦେଖିବାକୁ ମିଳିବ । ତେବେ ଫିଲ୍ମଟି ବକ୍ସଅଫିସରେ ଭଲ କଲେସନ କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା କରାଯାଇଛି ।
