ମୁମ୍ବାଇ ( ଏଟିଆର ବ୍ୟୁରୋ): ଏଇ ନିକଟରେ ହଲକୁ ଆସିଥିବା ହ୍ରିତକ ରୋସନ ଏବଂ ଟାଇଗର ସ୍ରଫଙ୍କ ଦମଦାର ଫିଲ୍ମ “ୱାର’’ ଏବେବି ହଲରେ ନିଜର ସ୍ଥିତି ଜାହିର କରୁଛି । ଏବେ ବି ସିନେମାର କ୍ରେଜ କମିନି । ପ୍ରଥମ ସପ୍ତାହରେ ଭଲ ଆୟ କରିଥିବା ଏହି ସିନେମା ଆଗକୁ ମଧ୍ୟ ଭଲ ରୋଜଗାର କରିବ ବୋଲି ଆକଳନ କରାଯାଉଛି । ସିନେ ସମୀକ୍ଷକ ତରଣ ଆଦର୍ଶଙ୍କ ସୂଚନା ଅନୁସାରେ ସିନେମାଟି ରିଲିଜର ୧୬ ଦିନରେ ୩.୫୦ କୋଟି ଟଙ୍କା ଆୟ କରିଛି ।
ଆଗକୁ ଦୀପାବଳି ସିନେମାର ବ୍ୟବସାୟ ଆହୁରି ବଢିବ ବୋଲି ଆଶା କରାଯାଉଛି । ଏବେ ସିନେମାର ହିନ୍ଦୀ ଭର୍ସନ ୨୭୫.୧୫ କୋଟି ଟଙ୍କା ଆୟ କରି ସାରିଲାଣି । ସେହିଭଳି ତେଲୁଗୁ ଭର୍ସନ ୨୮୮ କୋଟି ଟଙ୍କା ଆୟ କରିଛି । ତେବେ ସିନେମାଟି ହିନ୍ଦୀ ଭର୍ସନରେ ଆଗାମୀ ଦିନରେ ୩୦୦ କୋଟି ବକ୍ସ ଅଫିସରେ ସାମଇଳ ହୋଇପାରେ ବୋଲି ଆଶା କରାଯାଉଛି ।
ସୂଚନାଯୋଗ୍ୟ ସିଦ୍ଧାର୍ଥ ଆନନ୍ଦଙ୍କ ନିର୍ଦେଶନାରେ ରିଲିଜ ହୋଇଥିବା ସିନେମାଟି ପ୍ରଥମ ଦିନରେ ହିଁ ବଜାର ଗରମ କରିଥିଲା । ପ୍ରଥମ ଦିନରେ ୫୩.୩୫ କୋଟି ଟଙ୍କା ଆୟ କରିଥିଲା । ସିନେମାଟି ସର୍ବମୋଟ ୪୨୦୦ ଟି ସ୍କ୍ରିନରେ ରିଲିଜ ହୋଇଥିଲା ।
