ମୁମ୍ବାଇ(ଏଟିଆର ବ୍ୟୁରୋ): ସାରା ଦେଶରେ ଏବେ ପିଆଜ ସଂକଟ ଦେଖାଦେଇଛି । ପିଆଜର ଆକାଶ ଛୁଆଁ ଦର ସମସ୍ତଙ୍କ ଚିନ୍ତା ବଢାଉଥିବା ସମୟରେ, ବହୁତ ଲୋକ ଏବେ ପିଆଜକୁ ଏକ ମୂଲ୍ୟବାନ ଜିନିଷ ପରି ବ୍ୟବହାର କରୁଛନ୍ତି ।
ସେପଟେ ବଲିଉଡ ସୁପର ଷ୍ଟାର ଅକ୍ଷୟ କୁମାର ମଧ୍ୟ ଏଥିରୁ ବାଦ୍ ପଡି ନାହାନ୍ତି । ନିକଟରେ ଅକ୍ଷୟ ନିଜ ପତ୍ନୀ ଅଭିନେତ୍ରୀ ଟ୍ୱିଙ୍କଲ ଖନ୍ନାଙ୍କୁ ପିଆଜର କାନ ଝୁମକା ଉପହାର ଦେଇଛନ୍ତି ।
ତେବେ ଟ୍ୱିଙ୍କଲ ମଧ୍ୟ ଏହି ଝୁମ୍କାର ଫଟୋ ନିଜ ସୋସିଆଲ ମିଡିଆରେ ସେୟାର କରି ଏହାକୁ ବେଷ୍ଟ ଗିଫ୍ଟ ବୋଲି କହିଛନ୍ତି ।
ଟ୍ୱିଙ୍କଲ ଖନ୍ନା ସୋସିଆଲ ମିଡିଆରେ ଅଧିକ ଆକ୍ଟିଭ ରହୁଥିବାରୁ ତାଙ୍କର ଏହି ପୋଷ୍ଟଟି ଏବେ ଭାଇରାଲ ହେବାରେ ଲାଗିଛି । ସେପଟେ କେହି କେହି ଏହାକୁ ଅକ୍ଷୟ କୁମାରଙ୍କ ଫିଲ୍ମ ପ୍ରମୋସନ ବୋଲି ମଧ୍ୟ କହୁଛନ୍ତି ।
ଆଗକୁ ଅକ୍ଷୟ କୁମାରଙ୍କ ଫିଲ୍ମ ‘ଗୁଡ୍ ନ୍ୟୁଜ୍’ ରିଲିଜ୍ ହେବାକୁ ଯାଉଛି, ସେଥିପାଇଁ ଅକ୍ଷୟ କୁମାରଙ୍କ ସହିତ କରିନା କପୁର ଓ କିୟାରା ଆଡ୍ଭାନୀ ମଧ୍ୟ ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି ।
