ମୁମ୍ବାଇ(ଏଟିଆର ବ୍ୟୁରୋ) : ବଲିଉଡର ଲୋକପ୍ରିୟ ଅଭିନେତ୍ରୀ କଙ୍ଗନା ରଣାୱତ ନିଜର ଆଗାମୀ ପ୍ରୋଜେକ୍ଟ ‘ଧାକଡ’ ର ସୁଟିଂରେ ବ୍ୟସ୍ତ ଅଛନ୍ତି । ରିପୋର୍ଟ ଅନୁସାରେ କଙ୍ଗନା ମଣିକର୍ଣ୍ଣିକା ରିଟର୍ଣ୍ଣସରେ ଅଭିନୟ କରିବେ ଯାହାର ନାମ ରହିଛି ‘ମଣିକର୍ଣ୍ଣିକା ରିଟର୍ଣ୍ଣସ: ଦି ଲିଜେଣ୍ଡ ଅଫ ଦିଦା’ । ଏହି ଫିଲ୍ମରେ ସେ କାଶ୍ମୀରର ରାଣୀ ଦିଦାଙ୍କ ଭୂମିକାରେ ଅଭିନୟ କରିବେ , ଯିଏକି ମୋଗଲ ଆକ୍ରମଣକାରୀ ମେହମୁଦ ଗଜନାଭିଙ୍କ ବିରୋଧରେ ଏକୁଟିଆ ନିଜର ସାହସ ପ୍ରଦର୍ଶନ କରିଥିଲେ ।
୨୦୧୯ରେ ରିଲିଜ ହୋଇଥିବା ମଣିକର୍ଣ୍ଣିକା : ରାଣୀ ଅଫ୍ ଝାନ୍ସି ଏକ ଐତିହାସିକ କାହାଣୀ ଥିଲା । ଏହା ରାଣୀ ଲକ୍ଷ୍ମୀ ବାଇଙ୍କ ଜିବନୀ ଉପରେ ଆଧାରିତ ଥିଲା କିନ୍ତୁ ମଣିକର୍ଣ୍ଣିକା ରିଟର୍ଣ୍ଣସ: ଦି ଲିଜେଣ୍ଡ ଅଫ ଦିଦାର କାହାଣୀ ଏକ ଭିନ୍ନ ଧରଣର କାହାଣୀ ଅଟେ । ଏହି ଫିଲ୍ମର ସୁଟିଂ ୨୦୨୨ରେ ଆରମ୍ଭ ହେବ । ଚଳିତ ବର୍ଷ କଙ୍ଗନାଙ୍କର ‘ଥାଲାଇଭ୍’ ଫିଲ୍ମ ରିଲିଜ ହବାକୁ ଯାଉଅଛି ଯାହାକି ଜୟଲଳିତାଙ୍କ ବାୟୋପିକ୍ ଉପରେ ଆଧାରିତ ।
