ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମ ନିର୍ଦ୍ଦେଶକ କରଣ ଜୋହର ଆଜିକାଲି ତାଙ୍କ ଫିଲ୍ମ ପାଇଁ ନୁହେଁ ବରଂ ଟିଭି ସୋ’ ‘କଫି ୱିଥ୍ କରଣ’କୁ ନେଇ ଚର୍ଚ୍ଚାରେ ଅଛନ୍ତି । ଏବେ କରଣ ଜୋହର ବହୁତ ଶୀଘ୍ର ଏକ ଲଭ୍ ଷ୍ଟୋରୀ ଫିଲ୍ମ ନିର୍ମାଣ କରିବାକୁ ଯାଉଛନ୍ତି । ଆଜ୍ଞା ହଁ କରଣ ‘ଗେ ଲଭ୍ ଷ୍ଟୋରୀ ’ ଉପରେ ଏକ ଫିଲ୍ମ ନିର୍ମାଣ କରିବେ । ଏହି ଫିଲ୍ମରେ ଦୁଇ ଜଣ ଜଣା ଶୁଣା ଅଭିନେତାଙ୍କୁ ଦେଖିବାକୁ ମିଳିବ । ସୁଇଜରଲ୍ୟାଣ୍ଡର ଦାଓସରେ ଚାଲିଥିବା ‘ୱାଲ୍ଡ ଇକୋନକିମ୍ ଫରମ’ ଅବସରରେ ନିଜେ କରଣ ଜୋହର ଫିଲ୍ମ ନିର୍ମାଣ କରିବେ ବୋଲି କହିଛନ୍ତି । ଏହାସହିତ ସେ ଫିଲ୍ମ ନିର୍ମାଣ କରିବା ପଛର କାରଣ ମଧ୍ୟ କହିଛନ୍ତି ଏବଂ ଫିଲ୍ମ ନିର୍ମାଣ କେବେ ହେବ ସେ ବିଷୟରେ ଜଣାଇଛନ୍ତି ।
ଖବରମୁତାବକଳ ଦାଓସରେ ଚାଲିଥିବା ‘ୱାଲ୍ଡ ଇକୋନମିକ୍ ଫରମ’ରେ କରଣ ଜୋହର ତାର ଅନେକ ସେସନରେ ସାମିଲ ହୋଇଥିଲେ । ସେଥିମଧ୍ୟରୁ ଗୋଟେ ସେସନ୍ ଏଲଜିବିଟିକ୍ୟୁ ସମୁଦାୟକୁ ନେଇ ଆୟୋଜିତ ହୋଇଥିଲା । ସେହି ସେସନଟି କରଣଙ୍କୁ ଏତେ ମାତ୍ରାରେ ପସନ୍ଦ ଆସିଥିଲା ଯେ ସେ ଗେ ଉପରେ ଲଭ୍ ଷ୍ଟୋରୀ ତିଆରି କରିବେ ବୋଲି ଯୋଜନା କଲେ । ଏହାପରେ କରଣ ଏକ ଗଣମାଧ୍ୟମକୁ ସାକ୍ଷତ କରି ଏହି ଫିଲ୍ମ ବିଷୟରେ ଜଣାଇଥିଲେ ।
କରଣ କହିଥିଲେ କି ଏଲଜିବିଟିକ୍ୟୁ ସେସନରୁ ସେ ବହୁତ ପ୍ରଭାବିତ ହୋଇଛନ୍ତି । ଏବେ ସେ ଦୁଇଟି ବଡ କଳାକାରଙ୍କୁ ନେଇ ‘ଗେ ଲଭ୍ ଷ୍ଟୋରୀ ’ନିର୍ମାଣ କରିବେ । ହୁଏତ ଦୁଇ ଅଭିନେତରାଙ୍କ ନାଁ ସ୍ପଷ୍ଟ କରିନଥିଲେ କରଣ ମାତ୍ର ଫିଲ୍ମ କେବେ ନିର୍ମାଣ ହେବ ସେନେଇ କହିଥିଲେ । ସେ କହିଛନ୍ତି କି ଫିଲ୍ମ ‘ତଖ୍ତ’ ପରେ ଏହି ଏହି ଫିଲ୍ମର ନିର୍ମାଣ କାର୍ଯ୍ୟ ଆରମ୍ଭ କରିବେ ।
ଖବରମୁତାବକ, ଫିଲ୍ମ ‘ତଖ୍ତ’ ଏକ ମଲ୍ଟିଷ୍ଟାରର ଫିଲ୍ମ । ଏଥିରେ ଜାହ୍ନବୀ କପୁର, ଆଲିଆ ଭଟ୍ଟ, କରୀନା କପୁର ଖାନ୍, ରଣବୀର ସିଂ,ବିକି କୌଶଲ, ଭୂମି ପେଡନକର ଏବଂ ଅନୀଲ କପୁର ନଜର ଆସିବେ ।
