ନୂଆଦିଲ୍ଲୀ (ଏଟିଆର ବ୍ୟୁରୋ): ବହୁଦିନର ଅପେକ୍ଷାର ଅନ୍ତ ଘଟିଛି । ଆମେ କହୁଛୁ ଫିଲ୍ମ ଲୁକା ଛୁପି କଥା । ନିକଟରେ ଏହି ଫିଲ୍ମର ଟ୍ରେଲର ରିଲିଜ୍ ହୋଇଯାଇଛି । ଏହି ଫିଲ୍ମରେ ଅଭିନେତ କାର୍ତ୍ତିକ ଆର୍ୟାନ ଏବଂ କୃତି ସାନୁନ ନଜର ଆସିବେ । ଗତ କିଛି ଦିନ ହେବ ଫିଲ୍ମର ପ୍ରମୋଶନ ଚାଲିଛି । ଏହାସହିତ ନିକଟରେ ପୋଷ୍ଟର ମଧ୍ୟ ରିଲିଜ୍ ହୋଇଥିଲା । ଏବେ ଏହାର ଟ୍ରେଲର ସାମ୍ନାକୁ ଆସିଛି । ଯେଉଁଥିରେ କାର୍ତ୍ତିକ ଏବଂ କୃତୀଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିଛି । ୨ ମିନିଟ୍ ୪୯ ସେକେଣ୍ଡର ଏହି ଭିଡିଓକୁ ଦେଖିଲା ପରେ ଆପଣଙ୍କ ନହସି ରହି ପାରିବେ ନାହିଁ ।
ଟ୍ରେଲରରେ ଦେଖିବାକୁ ମିଳିଛି କି କାର୍ତ୍ତିକ ଏକ ରିପୋର୍ଟର, ଯିଏ ବାହାଘରକୁ ନେଇ ଖୁବ୍ ଏକ୍ସାଇଟେଡ୍ ଏବଂ ତାଙ୍କର ବାହାଘର ହେଇଯାଉ ବୋଲି ସେ ଚାହାନ୍ତି । ସେଥିପାଇଁ ସିଧାସଳଖ ଯାଇ କୃତିଙ୍କୁ ପ୍ରପୋଜ୍ କରନ୍ତି । ତାପରେ ଲିଭଇନ୍ ରିଲେସନସିପ୍ କୁ ନେଇ ଆରମ୍ଭ ହୁଏ ଅସୁବିଧା । ପ୍ରକୃତରେ ଫିଲ୍ମରେ ଲିଭଇନ୍ ରିଲେସନସିପ୍ ଉପରେ ଅଧିକ ଜୋର ଦିଆଯାଇଛି । ବାହାଘର ପୂର୍ବରୁ କିଭଳି ଗୋଟେ ପୁଅ ଏବଂ ଝିଅ ଲିଭଇନ୍ ରେ ରୁହନ୍ତି । କାର୍ତ୍ତିକ ବାହାହେବା ପାଇଁ ଖୁବ୍ ଆଗ୍ରହ ଥାନ୍ତି କିନ୍ତୁ କୃତି ତାଙ୍କୁ ଲିଭଇନ୍ ରେ ରହିବା ପାଇଁ କୁହନ୍ତି । ସେହିଠାରୁ ଆରମ୍ଭ ହୁଏ ଅସୁବିଧା । ତାପରେ ଦୁହେଁ ଦୁହିଁଙ୍କ ପରିବାରକୁ ଏହି ବିଷୟରେ ଜଣାଇବା ସହ ମିଛ ବାହାଘରର ନାଟକ ମଧ୍ୟ କରିଥାନ୍ତି । ଟ୍ରେଲରରେ ଜବରଦସ୍ତ ଡାଇଲଗସ୍ ସବୁ ଶୁଣିବାକୁ ମିଳିଛି । ଫିଲ୍ମରେ କୋକାକୋଲା ଗୀତକୁ ରିକ୍ରିଏଟ କରାଯାଇଛି । ଫିଲ୍ମଟି ମାର୍ଚ୍ଚ ୧, ୨୦୧୯ରେ ପରଦାରେ ମୁକ୍ତି ଲାଭ କରିବ ।
