ମୁମ୍ବାଇ(ଏଟିଆର ବ୍ୟୁରୋ): ଡ୍ରଗ୍ସ କାରବାରରେ ଗିରଫ ହେଲେ ଅଭିନେତା ଅରମାନ କୋହଲି । ଦୀର୍ଘ ୬ଘଣ୍ଟା ଧରି ଅରମାନ କୋହଲିଙ୍କୁ ଜେରା କରିଛି NCB । ଶନିବାର ଦିନ ସନ୍ଧ୍ୟାରେ ଅରମାନଙ୍କ ଘର ରେଡ କରିଥିଲେ NCB। ରେଡ କରିବା ସମୟରେ ଅରମାନଙ୍କ ଘରୁ ଡ୍ରଗ୍ସ ଜବତ ହୋଇଥିଲା । ଏହାପରେ ଅରମାନଙ୍କୁ ପରଚାଉଚରା କରିଥିଲା ଟିମ୍ । ଆଜି ତାଙ୍କୁ କୋର୍ଟରେ ହାଜର କରାଯିବ ।
ଏଏନଆଇ ରିପୋର୍ଟ ମୁତାବକ ଆଜି ତାଙ୍କୁ ମୁମ୍ବାଇ ସିଟି କୋର୍ଟରେ ଏନସିବି ହାଜର କରିବ । ଏନସିବି ଅଧିକାରୀଙ୍କୁ କହିବା ମୁତାବକ ଡ୍ରଗ୍ସ ମାଫିଆ ଅଜୟ ରାଜୁ ସିଂହଙ୍କୁ ଖୋଜି ଖୋଜି ଏନସିବି ଅରମାନଙ୍କ ପାଖରେ ପହଞ୍ଚି ଏହାପରେ ଡ୍ରଗ୍ସ ମାଫିଆ ଓ ଅରମାନଙ୍କୁ ଏକାଡି ବସାଇ ପଚରା ଉଚରା କରିବା ପରେ ସବୁକିଛି ସ୍ୱଷ୍ଟ ହୋଇଥିଲା । ଅରମାନଙ୍କ ସହ ବଲିଉଡର ଅନ୍ୟମାନେ ମଧ୍ୟ ଏଥିରେ ସାମିଲ ଅଛନ୍ତି ।
ବିଗ ବସ-୭ ପ୍ରତିଯୋଗୀ ଥିଷଳ ଅରମାନ । ସେହି ସମୟରେ ମଧ୍ୟ ସେ ବିବାଦକୁ ଆସିଥିଳେ । ପୂର୍ବରୁ ଘରେ ୪୦ ରୁ ଅଧିକ ମଦ ବୋତଲ ରଖିବା ଅଭିଯୋଗରେ ୨୦୧୮ ରେ ଏକ୍ସାଇଡ ଡିପାର୍ଟମେଣ୍ଟ ତାଙ୍କୁ ଗିରଫ କରିଥିଲେ । ଆଇନ ଅନୁସାରେ ଜଣେ ବ୍ୟକ୍ତି ତାଙ୍କ ଘରେ ଗୋଟେ ହିଁ ମଦ ବୋତଲ ରଖିପାରିବେ କିନ୍ତୁ ଅରମାନଙ୍କ ନିକଟରୁ ୪୦ ରୁ ଅଧିକ ମଦ ବୋତଲ ଜବତ ହୋଇଥିଲା ।
