ଭୁବନେଶ୍ୱର (ଏଟିଆର ବ୍ୟୁରୋ); ଆଜି ହେଉଛି ପହିଲି ରଜ । ବର୍ଷ ତମାମ ଯେତେ ଫିଲ୍ମ ରିଲିଜ ହେଲେ ସୁଦ୍ଧା ରଜରେ ଫିଲ୍ମ ଦେଖିବା ମଜା ନିଆରା । ପରିବାର ସହ ରଜରେ ଫିଲ୍ମ ଦେଖିବା ପାଇଁ ପ୍ରାୟତଃ ସମସ୍ତେ ମନ ବଳାଇଥାନ୍ତିି । ତେବେ ଓଡିଶାର ଅଗଣିତ ଦର୍ଶକଙ୍କ ପାଇଁ ତରଙ୍ଗ ସିନେ ପ୍ରଡକ୍ସନ ତରଫରୁ ଦୁଇଟି ଫିଲ୍ମ ରିଲିଜ ହୋଇଛି । ପହିଲି ରଜରେ ମୁକ୍ତିଲାଭ କରିଛି ଦୁଇଟି ଯାକ ହିଯଇ ଫିଲ୍ମ । ପ୍ରଥମ ସୋ’ରୁ ଦର୍ଶକଙ୍କ ଭିଡ ପ୍ରେକ୍ଷାଳୟରେ ଲାଗି ରହିଛି ।
ଗୋଟିଏ ଫିଲ୍ମର ନାମ ହେଉଛି ‘ଗୋଲମାଲ ଲଭ’ ବାବୁସାନ ଏବଂ ତମନ୍ନାଙ୍କ ଅଭିନୀତ ଏହି ଫିଲ୍ମଟି ରାଜ୍ୟର ଅଧିକାଂଶ ହଲରେ ମୁକ୍ତିଲାଭ କରିଛି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଷ୍ଟାଇଲିସ ଡାଇରେକଟର ଅଶୋକ ପତି । ଏଥିରେ ବିଜୟ ମହାନ୍ତି,ଜୀବନ ପଣ୍ଡା ଏବଂ ନିକଟରେ ପରଲୋକ ହୋଇଥିବା ସଲିଲ ମିତ୍ର ଏଥିରେ ଅଭିନୟ କରିଛନ୍ତି । ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅଭିଜିତ ମଜୁମଦାର ।
ତରଙ୍ଗ ସିନେ ପ୍ରଡକ୍ସନ ଦ୍ୱିତୀୟ ଫିଲ୍ମ ଭାବରେ ରିଲିଜ ହୋଇଛି ‘ତୁ ମୋ ଲଭ ଷ୍ଟୋରୀ-୨’ । ସ୍ୱରାଜ ଏବଂ ଭୂମିକା ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏଥିରେ ସିଦ୍ଧାନ୍ତ ଏବଂ ଅନୁଚୌଧୁରୀ ମଧ୍ୟ ନଜର ଆସିବେ । ବିଗତ ଦିନରେ ଏହି ଯୋଡି ବହୁତ ହିଟ ଫିଲ୍ମ ଦେଇଛନ୍ତି । କିଛିଦିନ ପରେ ପୁଣିଥରେ ରଜରେ ଧମାଲ ମଚାଇବା ପାଇଁ ଆସୁଛନ୍ତି ଏହି ଯୋଡି । ଏହି ଫିଲ୍ମର ପ୍ରେମ ଆନନ୍ଦ ସଙ୍ଗୀତ ନିର୍ଦ୍ଦେଶନା ଦେଇଥିବା ବେଳେ ତାପସ ସରଘରିଆ ନିର୍ଦ୍ଦେଶନା ଭାର ସମ୍ଭାଳିଛନ୍ତି ।
